Muktada al Sadr bën thirrje për luftë kundër amerikanëve në Irak
(08.01.2009 RV)Udhëheqësi terrorist shiit Muktada Al Sadër u bëri thirrje sot
terroristëve irakianë që të sulmojnë forcat amerikane në Irak si hakmarrje për veprimet
luftarake izraelite në Gazë. “I kërkoj rezistencës irakiane që të bëjë sulme si raprezalje
kundër SHBA-ës, aleat kryesor i armikut tonë të madh sionist” lexohet në një komunikatë
të zyrës së Al Sadrit. Udhëheqësi terrorist, i cili mendohet se strehohet në Iran,
u kërkoi gjithashtu të gjitha vendeve që kanë ambasada izraelite që t’i mbyllin këto
menjëherë.