Վատիկանի մէջ մամլոյ ներկայացում Ընտանիքի համաշխարհային 6-րդ հանդիպումին ՜՜Մեքսիքօ՝՝ մայրաքաղաքին մէջ - յունուար 13-18

Ուրբաթ 9 Յունուար 2009-ին, Վատիկանի մամլոյ սրահին մէջ ներկայացումը պիտի կատարուի Ընտանիքի համաշխարհային 6-րդ հանդիպումին որ տեղի պիտի ունենայ Յունուար 13-18 Մեքսիքօ մայրաքաղաքին մէջ։ Ընտանիքի համաշխարհային հանդիպումին բնաբանն է. Ընտանիքը, մարդկային եւ քրիստոնէական արժէքներու դաստիարակիչ։ Մամլոյ ներկայացումը պիտի գլխաւորէ կարտինալ Էննիօ Անթոնելլի` նախագահը ընտանիքի քահանայապետական խորհուրդին։

Յայտնենք թէ Պենտիկտոս ԺԶ Քահանայապետը նշանակած է կարտինալ Պերթոնէն որպէս քահանայապետական պատուիրակ գլխաւորելու՝ ընտանիքի համաշխարհային խորհուրդի 6-րդ հանդիպումը։ Անուանումի նամակին մէջ Սրբազան Քահանայապետը կ՛ընդգծէ թէ՝ ծնողները գլխաւոր դաստիարակիչներն են իրենց զաւակներուն։ Դաստիարակչական մարզին մէջ, ծնողները ձեռնհասութիւն ունին. անոնք դաստիարակիչ են որովհետեւ ծնողներ են։