У Рыме выйшаў з друку 1 нумар каталіцкага часопіса "Жыццё ў Царкве і ў Хрысце"
за студзень 2009 года. У ім змешчаны артыкул кіраўніка нашай праграмы айца Клаўдзія
(Рабінэ).
Будучы езуітам, айцец Клаўдзій выконвае сваё пастырскае служэнне не толькі ў лацінскім,
але і ўва ўсходнім абрадзе. Менавіта грэка-візантыйскі абрад прыняты ў царкве св.
Антонія на Эсквіліне ў Рыме, дзе ён ёсць пробашчам. Артыкул азагалоўлены аўтарам "Еднасць
у разнастайнасці". Рэдакцыя змяшчае такі прэфас да яго:"Ведаць Царкву і Цэрквы,
ад Ўсходу і да Захаду, і разумець, як цяжкае гэтае - уз'яднанне! "
Падрэ Клод Рабінэ дае тут для заходняга чытача шырокі сінтэз складанай геаграфіі
Цэркваў бізантыйскага абраду ў саюзе з Рымам. - Вуніяты. Хто яны? Чаму так
называюцца? -Пачнем з таго, што вызначэнне атрымала адмоўны знак, так, як , напрыклад,
"езуіт". А па-сапраўднаму, Уніяты - гэта католікі візантыйскага абраду, значыцца,
праваслаўныя, якія ў руху гісторыі зноў зрабілі ўз'яднанне (унію) з Апостальскім
Пасадам, прызнаючы Папу Рымскага як намесніка Хрыста і кіраўніка Універсальнай Царквы.
Існуюць іншыя католікі, належачыя да розных іншых усходніх абрадаў(тут называюцца
некаторыя прыклады). Уніяты ёсць католікамі, якія належаць да канстантынопальскага
ці візантыйскага абраду (як праваслаўныя - па форме). Найбольш іх сярод беларусаў,
балгараў, грэкаў, італа-албанцаў, мельхітаў, румынаў, рускіх, рутэнаў, славакаў, украінцаў,
народаў унгарскае (вянгерскае) групы. ..У розных гістарычных часах, у прыватнасці,
камунізму многія з іх прымушана уз'ядналіся з праваслаўнымі, дык тыя, што былі нязгодныя
адысці ад свайго абраду, ці-то схаваліся ў сакрэтнасць, ці засталіся на выгнанні.
..У апошнія часы уніяцкія Цэрквы афіцыйна прызнаваныя ўрадамі краін. Далей аўтар
спасылаецца да дарагой яму Беларусі. "Для беларускіх каталікоў тэрмін "уніяты" нармальны
і выкарыстоўваецца без праблем і двухсэнсовасці, каб акрэсліць грэка-католікаў як
на радзіме, так і на дыяспары. Брэст-Літоўская Вунія 1596 года "Unione Brest'Litovsk"
сталася менавіта падпісаная на тэрыторыі цяперашняй Беларусі. Тады, напрыклад, украінскія
уніяты ў Галіцыі, якія належылі ў 16 стагоддзі да Аўстра-Вянгерскай імперыі часоў
каралевы Марыі-Тэрэзы, называліся грэка-католікамі. У часах сталінізма яны былі насілу
далучаныя да Маскоўскага патрыярхату, значыцца, іхнае існаванне было практычна перакрэслена.
...Робячы экскурс у гісторыю, айцец Клаўдзі прыпамінае, што у 17 стагоддзі большая
частка уніятаў жыла ў Беларусі. Мучанікам Уніі (уз'яднання) стаўся архіепіскап Полацка
св.Язафат Кунцэвіч, забіты ў 1623 годзе. Ягоныя рэліквіі спачываюць цяпер у базіліцы
св. Пятра ў Рыме. Вунія нарадзілася ў Беларусі, але пераўтварылася з часам амаль ў
нішто...у 1839 годзе яна была ўключана ў праваслаўную рускую Царкву... Аўтар
паказвае ў сваім артыкуле развіццё уніяцтва ў розных краінах, гістарычныя этапы і
сённяшні стан "выжывання" гэтай формы хрысціянства ў стракатай панараме разнастайнасці
каталіцтва ў сучасным свеце. Прынамсі, нагадвае, што уніяты ёсць у Польшчы, Аргентыне,
Бразіліі, у арабскіх краінах. У 1993 годзе у Баламандзе, у Ліване, адбылася пасяджэнне
Камісіі па багаслоўскім дыялогу між каталіцкай і праваслаўнай Цэрквамі. У выніковым
дакуманце, падпісаным абодвума бакамі, указваецца, што Уніяцтва не можа лічыцца сучасным
метадам для мэтаў царкоўнага аб'яднання. Аднак, уніяты існуюць, і немагчыма гэтага
адмаўляць. "Можна сказаць, што Уніяты - гэта праваслаўныя, якія зрабілі выбар належаць
да Універсальнае Царквы, а не жыць у рамках вузканацыянальных. Калі рускі хацеў перайсці
з праваслаўя ў каталіцтва, у 30-я гг 20 стагоддзя, скарыстоўваўся тэрмін "Ён выбраўВселенскость".