(02.01.2009 RV)Filloi dje në Lurdë,
Viti i Shën Bernardetës, me të cilin vijon simbolikisht udha e Jubileut të dukjeve
të Zojës së Bekuar. Ecet, kështu, në gjurmët njerëzore e shpirtërore të vegimtares
së re, pas dukjes së fundit, më 16 korrik 1858. ‘Udha e Bernardetës’ është tema baritore,
e propozuar nga dioqeza e Lurdës për vitin e ri. Lidhet me katër elementet kryesore
të përshpirtërisë së Shenjtores: me thirrjen për rrugën rregulltare; lidhjen e ngushtë
me Kishën; Eukaristinë, simbolizuar në çadrën e Adhurimit eukaristik dhe përshpirtërinë
eukaristike të vegimtares. ‘Udha e Bernardetës’ lidhet edhe me katër vendet, ku jetoi
pas dukjeve, në kuvendet e Motrave të Dashurisë, kryesisht në Lurdë e Nevers. Këtë
udhë, përkrah Shenjtores që pa Zojën e Papëlyer, e përshkojnë të gjithë ata besimtarë,
që duan të fitojnë pjekurinë në fe e të ndjekin sa më besnikërisht shembullin e Krishtit,
duke i shërbyer me të gjitha forcat Zotit në Eukaristi e njeriut në nevojat e panumërta
të jetës.