У сераду 31-га сьнежня позным вечарам Папа Бэнэдыкт 16 адслужыць у Ватыканскай
Базыліцы Сьвятога Пятра, Вячэрню “Тэ Дэум” ( Цябе Бога хвалім) на заканчэньне 2008-га
году, ў часе якой Сьвяцейшы Айцец зробіць падрахунак са сваей дзецнасьці з прамінаючага
ўжо 2008-га году. Пасьля Вячэрні Папа наведае батлейку, якая знаходзіцца на Плошчы
Сьвятога Пятра. Там хвілінку памоліцца ў маўчаньні. Затым увойдзе да гроты дзе зблізка
зможа лепш аглянуць мастацкія статуі Сьвятой Сям”і і ўсю сцэну Боганараджэньня Ісуса
Хрыста. У чацьвер раніцай, 1-га студзеня 2009-га году, Папа Бэнэдыкт 16 адслужыць,
зноў у Базыліцы Сьвятога Пятра, Сьвятую Імшу з нагоды 42-га Сусьветнага Дня Міру. Больш
аб гэтых здарэньнях мы будзем гаварыць у нашых наступных праграмах.