(24.12.2008 RV)Shi në të parat fjalë të Meshës Liturgjija na paraqet misterin
e madh dhe te pashqyrtueshëm të lindjes hyjnore të Krishtit- Zot prej Atit. Ati âsht
dritë dhe Ai që n’amshim lindi Dritën, të Dytën Vehtje të së Shêjtnueshmes Triní,
Krishtin, Dritën e Vërtetë, e cila sonte shndriti ndër terrina të shekullit, u mishnue
dhe leu sikursè na (Antifona e të Hymit e Psalmi mbas Letrës). Në të lém të
tij Êngjujt i lajmuen njerëzimit: “Sonte u ka lé Shelbuesi: lumní i kjoftë Hyut në
naltësí të qiellës e paqë njerëzve vullndetmirë mbi tokë!” (Ungjilli). Para
këtij lajmit, për të cilin u gëzuen qiellët dhe u mbush në haré toka (Kushtesa),
Kisha e na s’kemi si të pritemi pa shpërthye në gëzim.
E njimend, paqa kahmot
e thyeme ndërmjet Zotit e njerëzve, ndërmjet qiellës e tokës, u përtrî rishtas. Testamendi
i Rí i hirit xû vendin e Testamendit të Vjetër të drejtësisë, mbretnija e paqës nisi
kursin e vet. Më ketë mbretní, ku në saje të Krishtit marrim pjesë edhe na, s’kanë
mâ vend mbrapështija e veset, mëkati e dishiret tokësore, por përkundra, përkurmenija,
ndershmenija, drejtësija, virtytet e përshpirtnija (Letra). Ky âsht fryti
i të Lémit të Krishtit dhe njiherit rilindja e të përtrîmt e jetës sonë. Drita e kësaj
Nate le të na përcjellë në shtegtinë e jetës derisà, të ngjashëm me Krishtin, i cili
tue marrë mish e gjak si na u bâ i ngjashëm me né (Lutja mbi dhurata), të kapemi
në lumninë e përjetshme, n’atë dritë e cila s’njef kufizim as dënim (Lutja mbas
Kungimit).
Meshari i të kremteve, Perkthye dhe zhvillue
prej At Danjel Gjeçajt OFM, fq. 7, Romë 1966, fq 35-36