Калядная сустрэча каля помніка Адаму Міцкевічу ў 210 гадавіну нараджэньня паэта
24 снежня 2008 г., у 210 гадавіну з дня нараджэння славутага беларускага
паэта Адама Міцкевіча, адбудзецца сустрэча духавенства, прадстаўнікоў дзяржаўнай
улады, дыпламатычных місій і вернікаў, каля помніка Адаму Міцкевічу ў сталічным
скверы. А 12 гадзіне ў касцёле святых Сымона і Алены адбудзецца святая Імша, якую
ўзначаліць Дапаможны біскуп Мінска-Магілёўскай архідыяцэзіі Антоні Дзям’янка.
Пасля
Эўхарыстыі яе ўдзельнікі накіруюцца ў працэсіі са знічамі да помніка. Сёлета каля
манумента Адаму Міцкевічу студэнты Беларускага дзяржаўнага інстытута культуры
прадставяць тэатральную пастаноўку. Па традыцыі адбудзецца дэкламацыя вершаў паэта
на беларускай, рускай і польскай мовах. З прамоваю выступяць прадстаўнікі мясцовых
уладаў і дыпламатычных місій. Плануецца, што ў сустрэчы будуць прымаць удзел прадстаўнікі
пасольстваў Польшчы, Чэхіі, Украіны, Літвы, Турцыі і інш.
Біскуп Антоні
Дзям’янка правядзе кароткую малітву і асвеціць аплаткі, пасля чаго будзе магчымасць
павіншаваць адно аднаго са святам Божага Нараджэння.
21 снежня моладзь
з мястэчка Беняконі (Воранаўскі раён) прывезла ў Мінск сена, нарыхтаванае з тых
палёў, па якіх Адам бегаў у дзяцінстве. Сена было ўрачыста перададзена ў рукі
Мітрапаліта Тадэвуша Кандрусевіча. Землякам паэта арцыбіскуп скіраваў сваё духоўнае
прывітанне.