Францыя абвяшчае праграму "Максім Багдановіч"

Міністэрства замежных і эўрапейскіх спраў Францыі і амбасада Францыі ў Беларусі абвяшчаюць праграму спрыяньня публікацыям “Максім Багдановіч”.
Беларускім выдаўцам будуць дапамагаць зь перакладам і публікацыяй твораў сучасных францускіх аўтараў у такіх галінах як літаратура, філязофія, гуманітарныя і сацыяльныя навукі, мастацтва і культура, навука і тэхніка. Будуць адбірацца праекты перакладу на беларускую і расейскую мову.