Багародзічная малітва "Анёл Гасподні" ў нядзелю 14-га сьнежня
А паўдні гэтага дня, як і ў важнейшыя сьвяты, Бэнэдыкт 16 сустрэўся з вернікамі,
якія прыбылі на Плошчу Сьвятога Пятра на марыйную малітву. У сваёй прамове да іх
Сьвяцейшы Айцец сказаў, што блізкасьць надыходзячага Бога не абазначае канкрэтнага
тэрміну і месца, але любоў, якая ёсьць крыніцаю радасьці. Папа спаслаўся да навучаньня
Сьвятога Апостала Паўла, які з аднаго боку заахвочваў хрысьціян да чуйнасьці, “бо
Госпад блізка”, а з другога перасьцерагаў перад падвярганьнем паніцы, быццам-бы канец
сьвету меў ужо надыйсьці. “Такім чынам Касьцёл
асьвечаны Сьвятым Духам разумеў што-раз лепш “што блізкасьць Бога гэта не справа прасторы
і часу, але пытаньне любові: бо любоў набліжае ўсіх- сказаў Сьвяцейшы Айцец. Неўзабаве
надыйдзе Божае Нараджэньне, якое прыпомніць нам гэтую асноўную праўду нашай веры і
перад Ясьлямі мы зазнаем хрысьціянскае радасьці, кантэмплюючы ў народжаным Ісусе аблічча
Бога, які з любові наблізіўся да нас”. Згодна з традыцыяю Папа паблаславіў фігуркі
Дзіцятка Ісуса, якія рымскія дзець прынесьці з сабою на Плошчу Сьвятога Пятра, якія
пазьней будуць складзеныя ў Калядных Ясьлях. Далей Бэнэдыкт 16 заахвоціў вернікаў
да падтрымкі пабудовы новых Касьцёлаў на тэрыторыі Рыму. У нядзелю 14-га сьнежня
ва ўсіх парафіяльных Касьцёлах папскае дыяцэзыі, адбыўся штогадовы збор грашэй на
гэтую мэту. Галоўным здарэньнем дыяцэзальнага дня гэтага збору дараў было высьвячэньне
сьвятыні ў парафіі Сьвятых мучанікаў Марыюша і яго таварышаў, якая згарэла ў мінулым
годзе. Сьвятой Імшы з высьвячэньнем Касьцёла, старшынстваваў Гэнэральны Вікарый Рымскае
Дыяцэзыіі. У пастырскім пасланьні на Адвэнт кардынала Вальліні прыпомнірў, што сталіца
Італіі пастаянна разрастаецца. Міма намаганьняў дыяцэзыі многа новых ўзьніклых парафій
не мае яшчэ сьвятыні і дзейнічае ў часовых будынках. Вікарый Сьвяцейшгаа Айца просіць
затым ўсіх дыяцэзыян шчодрага іхняга ўкладу, каб дапамагчы патрабуючым супольнасьцям. У
рымскай дыяцэзыі на сёньняшні дзень будуецца восем парафіяльных Касьцёлаў. Сярод
іх ёсьць Касьцёл прысьвечаны Сьвятой Фаўстыне Кавальскай, Сьвятой Эдыце Штэйн ды бласлаўлёнаму
Яну ХХІІІ.