Koha e keqe kthehet në Evropë. Pa drita në Shqipëri
(15.12.2008 RV)Pas 24 orësh “armëpushimi” koha e keqe ka sulmuar sërish pjesën
më të madhe të Evropës. Tre të vdekur e 100 mijë familje pa dritë elektrike. Ky është
bilanci i stuhive në Francë. Emergjenca kthehet edhe në Itali, ku në Romë pritet të
dalë nga shtrati lumi Tiber. Por edhe Shqipëria nuk mungon në këtë apel. Që prej tri
ditësh, plot 13 fshatra të rrethit të Pukës nuk kanë energji elektrike. Moti i keq
dhe shirat e rrëmbyera kanë dëmtuar linjën e tensionit të lartë. Paradoksalisht, hidrocentrali
i Fierzës ka ujë sa të punojë me të gjitha turbinat, si asnjëherë tjetër gjatë viteve
të fundit, por neglizhenca në riparimin e difekteve bën që të mungojë sërish drita
elektrike.