Страсбург: эўрапэйская ўзнагарода "Pro Vita" імя Маці Тэрэзы
17 снежня 2008 г. у Страсбургу (Францыя) упершыню будзе прызнана еўрапейская ўзнагарода
«pro vita» імя Маці Тэрэзы з Калькуты. Узнагарода была ўстаноўлена сёлета рухамі з
усяго кантынента, якія займаюцца абаронай жыцця і сям’і. Гэтую ўзнагароду будуць атрымліваць
заслужаныя асобы, якія аддана і ахвярна абараняюць зачатае жыццё. Першая
ўзнагарода будзе прызначана памерламу ў 1994 г. прафесару Іераніму Лежэну. Гэты славуты
французскі ўрач і генетык быў першым старшынёю Папскай акадэміі ў абарону жыцця, створанай
Янам Паўлам ІІ. Адкрыцці прафесара Лежэна ў галіне генетыкі маюць асаблівае значэнне
для прававога статусу чалавечых эмбрыёнаў. Ён выступаў у іх абарону, прыводзячы доказы,
што жыццё чалавека пачынаецца ад моманту яго зачацця. Цырымонія прызнання
еўрапейскай узнагароды імя Маці Тэрэзы адбудзецца ў Страсбургу ў межах святкавання
60-годдзя Сусветнай Дэкларацыі Правоў Чалавека, якое будзе працягвацца з 15 па 17
снежня гг. Акрамя членаў рухаў па абароне жыцця ў цырымоніі прымуць удзел
прадстаўнікі еўрапейскіх таварыстваў сем’яў, дзеці якіх маюць сіндром Даўна.
15 снежня ўдзельнікі накіруюцца ў канцэнтрацыйны лагер у Дахау (Германія). У мясцовым
цэнтры памяці адбудуцца разважанні на тэму роўнай годнасці кожнага чалавека.