(14.12.2008 RV)Sot Kisha katolike
kremtoi të Dielën III të Kohës së Ardhjes. Përkujtoi edhe Shën Gjonin e Kryqit, meshtar
e doktor i Kishës, karmelitan i zbathur. Të hënën do të kremtohet
Shën Valeriani, ipeshkëv i Afrikës e martir, që jetoi me moton: “Je ti, o Zot, udha
e jetës!”.
Të martën, Shën Davidi, mbret e profet e Shën Adelaidja
perandoreshë na kujtojnë se Zotit nuk i interesojnë fjalët e mira, por veprat e mira.
Dishepull i vërtetë nuk është ai që mjaftohet ta predikojë Ungjillin, por ai që përpiqet
ta jetojë!
Të mërkurën, në festën e Shën Danielit profet, Shenjtorëve
Anania, Azaria e Mizaeli dhe Shën Gjonit të Matës, meshtar, themelues i Trinitarëve,
në sa afrohen gjithnjë më shumë Këshndellat, bashkojmë zërin me Psalmistin në thirrjen:
“Ardhtë mbretëria jote e drejtësisë dhe e paqes, o Zot!”.
“Zoti është shpëtimi
i të varfërit” – ky është filli i kuq i reflektimit të enjten, në festën e
Shën Malakisë profet dhe Shën Gacianit, ipeshkëv i Tur.
Të premten -
kremtimi i Shën Urbanit V papë dhe Shën Anastasit papë, na kujton se njeriu që i
beson deri në fund të fundit Zotit, mund të luajë nga vendi edhe malet.
Të
shtunën Kisha propozon shembullin e Shën Filogonit ipeshkëv, lajtmotiv i festës
të të cilit është: “Ja, po vjen Zoti, mbreti i lumnisë!”.
E diela e
ardhshme, është e katërta e Kohës së Ardhjes.