У Нікасіі - на востраве Кіпр завершылася міжнародная сустрэча "Людзі і рэлігіі".
Адно з пасяджэнняў было прысвечана асобе папы Яна Паўла 2-га.
На сустрэчы, зарганізаванай каталіцкай царкоўнай грамадой святога Эгідыя, былла зарганізаваная
і фотавыстава. Асаблівую цікавасць выклікала сведчанне, якое склаў ізраільскі прадстаўнік
- рабін Дэвід Разэн. Ён падкрэсліў надзвычайную сілу ўплыву асобы польскага Папы на
рух чалавечае гісторыі 20 стагоддзя. "Яго дзейнасць была глыбока традыцыйная, але
вынікі сталіся рэвалюцыйнымі, -зазначыў рабін. -Пад уздзеяннем ягонага лідарства
разбураліся сцены і ба'еры мінуўшчыны, будучыня паўставала праз ягоны прарочы дух".
Рабін Дэвід указаў на свае фатаграфіі разам з Янам Паўлам 2 і кардыналамі ў Асізі
на экуменічнай сустрэчы 1993 года. Ён падкрэсліў далей, што Ян Павел 2 , ідучы следам
папаў Яна 23 і Паўла 6 , ажыццяўляючы ідэі 2 Ватыканскага Сабору ..." зрабіў многае,
каб маленькая крынічка прымірэння пераўтварылася ў паўнаводную раку добрых адносін
між хрысціянамі і юдэямі, хаця перад намі яшчэ шмат задач. Тым ня меньш, цяперашнія
адносіны адлюстроўваюць адну з рашучых трансфармацый у гісторыі: ад падкрэслівання
інакшасці да прымірэння, ад нянавісці да абдымку, і тут Папа Ян Павел 2 стаўся вялікім
прарокам міра"