Як штогоду перад Божым Нараджэньнем Папа сустрэўся ў Ватыканскай Базыліцы са студэнтамі
і прафэсарамі Вышэйшых Навучальных Устаноў Вечнага Гораду. 11-га сьнежня яны ўдзельнічала
з пачатку ў Сьвятой Імшы, якую адслужыў для іх кардынал Вальліні, Вікарый Папы для
Рымскае Дыяцэзыі. Спэцыяльнымі гасьцмі сёлетняе сустрэчы былі маладыя людзі з Аўстраліі
і Румыніі. У прысутнасьці Папы Бэнэдыкта 16, які далучыў да моладзі пасьля Сьвятой
Імшы, прадстаўнікі румынскіх католікаў перадалі сваім аўстралійскім равесьнікам марыйную
Ікону: “Sedes Sapientiae”. На працягу цэлага году яна паломнічала па акадэмічных
душпастырствах у Румыніі. “Прысутнасьць гэтых двух дэлегацый- сказаў Сьвяцейшы Айцец-
прыпамінае нам, што гэтая вялікая сетка моладзі цэлага сьвету ёсьць пастаянна жывая
і актыўная”. У сувязі з перажываным цяпер Годам Сьвятога Паўла, Бэнэдыкт 16 перадаў
удзельнікам сустрэчы Пасланьне Апостала Народаў да Рымлянаў. “Дазвольце Паўлу
да вас , прафэсары і студэнты сучаснага Рыму, прамовіць. Хай дасьць ён вам удзел
у тым, што было яго асабістым дасьведчаньнем, а менавіта, што Эвангэльле Ісуса Хрыста
ёсьць “Божаю сілаю, што вядзе да збаўленьня кожнага веруючага”. Папа прывітаў таксама
прысутных у Ватыканскай Базыліцы ізраільскіх і палестынскіх студэнтаў. Прыпомніў,
што хрысьціянскае пасланьне, якое ў гістарычным і культурным кантэксьце Сьвятога Паўла
было рэвалюцыйным пасланьнем, мела сілу перамагчы мур, які аддзяляў Гэбрэяў і язычнікаў.
Надалей мае яно сілу, перамагаць іншыя муры, якія нанава вырастаюць ў розных эпохах
і кантэкстах.