Спачувальная тэлеграма Папы Бэнэдыкта 16 пасьля сьмерці Аляксея ІІ
Намаганьні Маскосўкага Патрыярха адносна адраджэньня Рускае Правалаўнае Царквы
пасьля пэрыяду перасьледаваньняў ды яго мужнае змаганьне ў абароне эвангэльскіх і
агульначалавечых вартасьцяў прыпомніў Папа ў спачувальнай тэлеграме накіраванай да
Сьвятога Сыноду. Вось поўны тэкст тэлеграмы: Да Сьвятога Сыноду Рускае Праваслаўнае
Царквы.
З жывым узрушэньнем я прыняў вестку аб сьмерці Яго Сьвятасьці Аляксея
ІІ, Патрыярха Масквы і Ўсяе Русі. З братэрскаю любоў”ю жадаю перадаць Сьвятому Сыноду
ды усім членам Рускае Праваслаўнае Царквы шчырыя спачуваньні, запэўніваючы аб маёй
духоўнай блізкасьці ў гэтай хвіліне вялікага смутку. Малюся да Бога, каб прыняў да
свайго Каралеўства міру і вечнае радасьці, свайго нястомнага слугу ды абдарыў суцяшэньнем
і спачуваньнем усіх тых, што плачуць пасьля Яго сьмерці. Успамінаючы супольнае заангажаваньне
на дарозе ўзаемнага зразуменьня і супрацоўніцтва паміж праваслаўнымі і католікамі
жадаю прыпомніць намаганьні Памёршага Патрыярха, ўздыманыя для адраджэньня Царквы
пасьля жудасных ідэалагічных перасьледаваньняў, якія давялі да мучаніцтва так многіх
сьведкаў хрысьціянскае веры. Я памятаю мужнае змаганьне ў абароне чалавечых і эвангэльскіх
вартасьцяў- піша Папа ў сваёй тэлеграме- якую Ён вёў асабліва на эўрапэйскім кантынэнцу.
Веру, што ягонае заангажаваньне ў будучыні прынясе плады міру ды сапраўднае чалавечае,
грамадзкае і духоўнае развіцьцё. Хай ў балючай гадзіне жалобы, калі яго дачасныя
астанкі ёсьць даручаныя зямлі ў надзеі ўваскрасеньня, памяць гэтага слугі Хрыстовага
Эвангэльля будзе падтрымкаю для ўсіх пагружаных у болі і заахвочаньнем для тых, якія
ўздымуць яго спадчыну ў кіраваньні Рускаю Праваслаўнаю Царквою. З братэрскаю любоў”ю
ва Уваскрослым Хрысьце. Папа Бэнэдыкт 16.