5 снежня на 79‑ым годзе жыцця памёр патрыярх Маскоўскі і ўсяе Русі Аляксій II.
На пасадзе патрыярха Маскоўскага і ўсяе Русі Аляксій II знаходзіўся ад 1990 году.
Апошні замежны візіт у кастрычніку сёлета Аляксій II здзейсніў у Мінск. Пры патрыярху
Аляксію ІІ Расійская праваслаўная царква выйшла з савецкай няволі. Патрыярх
Аляксій II (сапраўднае імя Аляксей Рыдыгер) нарадзіўся 23 лютага 1929 году ў эстонскім
Таліне. Будучы патрыярх паходзіў з нямецкага дваранскага роду фон Рыдыгераў,
якія яшчэ ў 18 стагоддзі прынялі праваслаўе. Пасля Кастрычніцкай рэвалюцыі сям’я дзеда
Аляксія II была вымушаная пераехаць зь Пецярбурга ў незалежную Эстонію. Бацька Аляксія
Міхаіл Аляксандравіч таксама быў праваслаўным святаром. У 1947 годзе ён паступіў
у Ленінградскую духоўную семінарыю. У 1949 годзе стаў студэнтам духоўнай акадэміі,
якую скончыў у 1953 г., атрымаўшы званне кандыдата багаслаўя. 15 красавіка быў рукапаложаны
ў прэсвітары і вызначаны настаяцелем Багаяўленскага храма ў шахцёрскім горадзе Йыхве
(Эстонія). Пасля служыў настаяцелем у Тарту. Пасля смерці маці Аляксей Рыдыгер
прымае манаскі пострыг. У 1961 Свяшчэнны Сінод абвяшчае яго япіскапам Талінскім і
Эстонскім. На талінскай кафедры ён знаходзіўся чвэрць стагоддзя. У 1986 годзе адначасова
стаў мітрапалітам Ленінградскім і Наўгародскім. Алексій II 6 чэрвеня 1990
года замяніў на пасадзе патрыярха Маскоўскага і ўсяе Русі памерлага Пімена. 10
чэрвеня 1990 года адбылася інтранізацыя Аляксія II у Богаяўленскім саборы Масквы.
Ён стаў першым патрыярхам, які выкарыстоўваў у сваім імені нумар. У 1998
годзе сп.Лукашэнка ўзнагародзіў Аляксія II ордэнам імя Францішка Скарыны, у 2004 —
ордэнам дружбы народаў, а сёлета — ордэнам гонару. Беларуская Праваслаўная Царква
належаць да юрысдыкцыі Маскоўскага патрыярхату. Аляксій II шэсць разоў наведваў Беларусь.
Вечная памяць Яму.