Ватыкан: афіцыйны орган Святога Пасаду газета "Osservatore Romano(Рымскі аглядальнік)"
у нумары ад 20 кастрычніка 2008 года змясціла адказ Патрыярха Маскоўскага і Ўсяе
Русі Алексія 2-га на пісьмо да яго ад Папы Бенедыкта 16, перададзенага асабіста
кардыналам Крешэнцыё Сэпе.
Паўторым нашу інфармацыю аб гэтай публікацыі:"Арцыбіскуп
Мітрапаліт Неапаля Крешэнцыё , як мы паведамлялі, толькі што наведаў Расійскую Федэрацыю
і меў у Маскве сустрэчу з галавой Рускай Праваслаўнай Царквы . Тады й перадаў ліст
кіраўніка Сусветнага каталіцтва . У сваім адказе на яго Маскоўскі Патрыярх па братэрску
дзякуе Папу за ягоны ласкавы зварот і запэўнівае:"...Я таксама жадаю выказаць маё
пачуцце глыбокай павагі і шчырай дружалюбнасці. Цаню гонар мець ўзрастаючыя перспектывы
...і ёсць перакананы ў найбольшым эвангельскім сцверджанні:"Бог ёсць любоў"...Гэта
павінна быць жывым арыенцірам для ўсіх, хто сабе лічыць вучнем Хрыста, бо толькі
праз нашае сведчанне таямніцы мы можам пераўзысці нязгоды і адчужэнне гэтага веку
..." Далей праваслаўны расійскі вышэйшы герарх падкрэслівае , што ідзе пазітыўны
працэс ва ўзаемаадносінах і кааперацыі між каталіцкай Царквой і Маскоўскім Патрыярхатам.
Гэты працэс мае фундамент у агульных каранях і ёсць неабходным у святле актуальных
праблем чалавецтва. Перш за ўсё маецца агульнае ўсведамленне тэрміновай неабходнасці
Эвангельскага Дабравешчання і шчырага сведчання хрысціянскіх каштоўнасцей сучаснаму
чалавецтву. Падпісана:"...З братэрскаю любоўю ў Госпадзе - Аляксей 2-гі Патрыярх
Маскоўскі і Ўсяе Русі."