Ужо гарыць Бэтлеемскі агонь міру. Сёлета ў пячоры нараджэньня Езуса яго запаліла 11-гадовая
дзяўчынка з Аўстрыі. 13 сьнежня ў Вене агонь пачне сваю вандроўку па Эўропе й патрапіць
у 25 краінаў старога кантынэнту. Празь некалькі тыдняў агонь прыбудзе ў Польшчу. Пасьля
польскія гарцары перададуць яго ў Беларусь, Летуву, Украіну й Расею. Бэтлеемскі
агонь міру зьяўляецца сымбалем любові й міру, упершыню быў запалены 22 гады таму па
ініцыятыве аўстрыйскай радыёстанцыі ORF. Бэтлеемскі агонь стаў элемэнтам дабрачыннай
акцыі, скіраванай на дапамогу хворым дзецям.