У гэтым годзе ў каталiцкiм выдавецтве "Pro Christo" было выдадзена 26 тытулаў розных
кнiг: рэлiгiйнай лiтаратуры, рэлiгiйна-навуковай, малiтоўнiкi. Амаль уся лiтаратура
надрукавана на беларускай мове. Акрамя таго, камiсiя па перакладзе разам з
выдавецтвам рыхтуе для выдання дакументы II Ватыканскага сабору на беларускай мове.
Да гэтага часу дакументы яшчэ нiколi не былi перакладзены на родную мову. Як вядома,
II Ватыканскi сабор быў адкрыты ў 1962 годзе i доўжыўся да 1965 года.