Lumnimi i parë në Kubë: në nderimet e elterit vlla Olalo Valdés, apostull i të sëmurëve.
Papa ia beson kubanët.
(28.11.2008 RV)Papa ia beson popullin
kuban ‘mbrojtjes së tij qiellore’. Është fjala për Lumnimin e Shërbëtorit të Zotit,
Jozef Olalo Valdés, rregulltar i Urdhërit Spitalor të Shën Gjonit të Zotit, që nesër
do të shpallet i Lum në qytetin kuban Kamaguej. Meshën shenjte me ritin e lumnimit
do ta kryesojë kardinali Zhoze Saraiva Martins, prefekt nderi i Kongregatës për Çështjet
e Shenjtorëve, përfaqësues i Atit të Shenjtë. Vëlla Olalo është i lumi i dytë
Kuban, por i pari që shpallet i lum në Kubë, ku zjejnë përgatitjet për kremtimin,
i cili do të transmetohet edhe nga televizioni shtetëror. E kjo, për arsye se rregulltari,
që do të shpallet i lum, nderohet me të njëjtin përkushtim nga besimtarët e jo besimtarët,
duke bashkuar kështu rreth elterit, fizikisht e shpirtërisht, mbarë popullin kuban.