Shpresat tek e ardhmja. Bashkësia e Tezesë mbledh në Kenia të rinj nga e gjithë bota.
(27.11.2008 RV)Me mijëra të rinj
nga e gjithë bota mbërritën në Najrobi, në Kenia, për takimin ndërkombëtar “Të bashkëndajmë
shpresën”, organizuar me nismën e Bashkësisë së Tezesë. Që nga 1995 e deri tani janë
tri takimet e organizuar nëpër botë nga kjo bashkësi për t’u dhënë mundësi të rinjëve
të njihen e të ndajnë me njëri-tjetrin shpresat tek e ardhmja. Por cili është synimi
i këtij takimi rinor ndërkombëtar? Këtë pyetje ia drejtuam Frer Luk:
Përgjigje:
Synimi është t’i ftojmë të rinjtë të dëgjojnë Zotin, të piqen me njëri-tjetrin
për të fituar përvojë vetjake nga takimi me Zotin, por edhe nga takimi me Kishën universale.
Frer Rozher e kishte kuptuar prej vitesh rëndësinë e këtij shtegtimi që, siç quhet
ndryshe, është “shtegtim i besimit nëpër botë”. E kishim organizuar në shumë kontinente
prandaj ishte e rëndësishme të bëhej edhe këtu, për të rinjtë afrikanë. Për këtë arsye
kishte dy vjet që përgatiteshim për këtë takim rinor në Najrobi.