Benedikti XVI ndjek me shqetësim fatin e dy misionareve italiane të rrëmbyera në Kenia.
(27.11.2008 RV)Papa ndjek me shqetësim fatin e dy misionareve italiane, motër
Katerina Gjiraudo e motër Maria Tereza Oliviero, të rrëmbyera para më se pesëmbëdhjetë
ditësh në një fshat në kufirin ndërmjet Kenias e Somalisë, ku u dalluan për impenjimin
në favor të të varfërve. Njoftimin e jep drejtori i Sallës së Shtypit të Selisë së
Shenjtë, atë Federiko Lombardi. Benedikti XVI – thekson zëdhënësi i Vatikanit - merr
pjesë në shqetësimin e thellë të ‘Lëvizjes Kundruese Misionare Atë Fuko” të Kuneos,
në të cilën bëjnë pjesë dy rregulltaret, lutet e vuan me familjarët e tyre. Urojmë
– përfundon Atë Lombardi - që kjo situatë e dhimbshme e thellësisht e padrejtë, viktima
të së cilës janë dy gra krejtësisht të pafajshme e plot merita, të marrë fund sa më
shpejt që të jetë e mundur. Kujtojmë se Prokuroria e Romës filloi hetimet menjëherë
pas rrëmbimit të tyre, ndërsa nunci apostolik në Kenia, imzot Alë Pol Lebopë,
u bëri thirrje rrëmbyesve t’i lirojnë sa më shpejt motrat italiane dhe i ftoi gjithë
besimtarët të luten për lirimin e rregulltareve, që të mund të rikthehen në vendin
e misionit, ku u shërbejnë prej 20 vjetësh të varfërve në vendin afrikan