У днях ад 20-га да 23-га стнежня, сёлета, Патрырх Масквы і Усяе Русі адведае
Вену. Аляксей ІІ прыбудзе туды на запрашэньне расійскага праваслаўнага біскупа Вены
і Аўстрыі Гілярыёна Альфеева ды тамашняга каталіцкага Мітрапалітва, кардынала Хрыстопа
Шэнюорна. Галоўнаю прычынаю візыту Маскоўскага Патрыярха ў Вену ёсьць паўторнае
высьвячэньне Праваслаўнага Сабору Сьвятога Мікалая, які толька што адрэстаўравалі.
На прыняцьці ў пасольстве Расіі ў Вене Патрыярх узнагародзіць ордэнамі ды мэдалямі
Рускае Праваслаўнае Царквы асобы, якія найбольш заслужылі пры рэстаўрацыі венскага
Праваслаўнага Сабору. Сустрэнецца таксама з Прэзыдэнтам Аўстрыі Фішэрам. У галоўнай
канцэртнай зале Вены выслухае Калядны канцэрт пад дырыжэорам Воадіміра Федосева з
удзелам Вялікага Сімфанічнага Аркестра імя Чайкоўскага ды чатырох рускіх хораў ды
двух аўстрыйскіх. Згодна са словамі біскупа Гілярыёна візыт Аляксея ІІ ў Вену будзе
мець таксама вялікае значэньне не толькі для праваслаўных, але таксама для прадстаўнікоў
ўсіх хрысьціянскіх верывызнаньняў Аўстрыі.