Ushtarët amerikanë do të largohen nga Iraku në vitin 2011
(17.11.2008 RV)Ministri i jashtëm irakian, Zebari dhe ambasadori amerikan në
Bagdad, Kroker nënshkruan sot marrëveshjen e miratuar dje nga qeveria irakiane mbi
të ardhmen e trupave të SHBA-ve në Irak. Sipas saj, ushtari i fundit amerikan do të
largohet nga Iraku në mbarim të vitit 2011. Teksti, i përbërë nga 31 nene, përshkruan
kuadrin juridik të pranisë ushtarake amerikane, pas skadimit të mandatit të OKB-së
në fund të këtij viti e deri më 31 dhjetor 2011. Marrëveshja është pjesë e impenjimit
të presidentit të ri amerikan, Barak Obama për Irakun, por nesër duhet të fillojë
diskutimi i saj në parlamentin irakian, i cili, pa e ndryshuar, do të votojë për të
më 24 nëntor.