Կատրինալ Սանտրի Հնդկաստան կատարած այցելութեան ընթացքին կոչ ըրաւ ոչ բռնութեան ու կրօնի ազատութեան յարգանքին։

Արեւելեան եկեղեցիներու կառավարիչ կարտինալ Սանտրի վերջերս Հնդկաստան այցելեց մասնակցելու Հնդկաստանի առաջին սրբուհիի հռչակումի տօնախմբութիւններուն։նշենք թէ Անցեալ 12 հոկտեմբերին Սրբազան Քահայանապետը Ս. Պետրոս տաճարին մէջ հռչակեց Հնդկաստանի առաջին սրբուհին` Clarissa Alfonsa dell'Immacolata Concezione-ն։ Ան 1946 ին վախճանած էր 36 տարեկանին, ահաւոր տառապալի կեանքէ մը ետք։ Clarissa Alfonsa ինքն իր մասին խօսելով կ`ըսէր. ՙ ՙԿը զգամ որ Տէրը զիս սահմանած է ըլլալու չարչարանքի զոհ, այն օրը որ չեմ չարչարուիր ինծի համար կորսուած օր մըն է՚ ՚։ Կարտինալ Սանտրի Ռատիովատիկանի հետ ունեցած ելոյթով ըսած է. ՙ ՙինծի համար մեծ ուրախութիւն է միանալ Հնդկաստանի քրիստոնեաներու տօնախմբութիւններուն, որ տեղի պիտի ունենայ Էրնաքուլամ թեմին մէջ, ուր ապրած էր սրբուհին։ Ասիկա մեծ տօն մըն է Հնդկաստանի համար եւ մասնաւորապէս Ասորի Մալապար եկեղեցւոյ համար, որ ուրախութիւնը ունեցաւ նման սրբուհի մը տալու Հնդկաստանին եւ ընդհանրական Եկեղեցւոյ։ Clarissa Alfonsa Հնդկաստանի առաջին սրբուհին է։ Ասորի Մալապար եկեղեցին կենսունակ է, ոչ միայն քահանայական ու կրօնաւորական կոչումներով այլ եւ անոր աշխարհականներու եւ աշխարականուհիներու հաւատքի վկայութեամբ ու յանձնառումով։ Նոր սրբուհին ողջ նշան է Հնդկաստանի եկեղեցւոյ աճումին։

Ոչ բռնութիւնը միակ կարելի լուծումն է ամէն տեսակ ընդհարումի եւ նման վարուելակերպ մը կը սկսի եղբայրական զօրակցութիւն հաստատելու կամքով, յայտարարեց կարտինալ Սանտրին աւելի քան 100.000 ասորի մալապար եւ ասորի մալանքար հաւատացեալներու առջեւ։