12 і 13 лістапада пад патранажам Летувіскага інстытуту мовы й культуры ў Вільні праходзіць
міжнародны сэмінар “Мовы й культуры: пісьмовыя традыцыі народаў ВКЛ”.
Падчас
сэмінару гучаць даклады на тэмы, якія спрэчна ўспрымаюцца гісторыкамі Летувы й Беларусі:
“Афіцыйная канцылярская мова ў беларуска-летувіска-ўкраінскай гістарыяграфіі”, “Мовы
ВКЛ пры дыпляматычных зносінах”, “Расейская мова ў ВКЛ”, “Княства як адзіная прастора
Заходняй Эўропы”, “Гісторыя Статуту ВКЛ 1588 году”, “Панятак: Летува, Русь, ліцьвін
у помніках літаратуры”.
Гісторыкі абедзьвюх суседніх дзяржаваў да сёньня ня
маюць агульнага пункту гледжаньня па пытаньні значнасьці дзеячоў ВКЛ, як для беларусаў,
так і летувісаў. Пры гэтым адныя й другія не аспрэчваюць факту супольнасьці ў гісторыі
разьвіцьця Княства.
У сустрэчы бяруць удзел навукоўцы з 14 краінаў. Гэта ўжо
пяты па ліку сэмінар, але ў Летуве ён адбываецца ўпершыню. Да гэтага сэмінары па дадзенай
тэматыцы адбываліся ў Вугоршчыне і ў Беларусі.