Ватыканскія сьвяткаваньні 60-ці годдзя Паўсюднае Дэклярацыі Правоў Чалавека
Апостальская Сталіца ўшануе спэцыяльнаю акадэміяю 60-ю гадавіну ўстанаўленьня Паўсюднае
Дэклярацыі Правоў Чалавнка. Ватыканскую ініцыятыву прадставіў ў часе прэс-канфэрэнцыі
Старшыня Папскае Рады “Юстыцыя эт Пакс”, кардынал Рэнато Мартіно. Спэцыяльная ўрачыстасьць
з удзелам кардынала, Ватыканскага Сакратара Стану Тарчыцыё Бэртонэ, Гэнэральнага Дырэктара
ААН да спраў Сельскае Гаспадаркі Жака Діюфа ды іншых прадстаўнікоў адбудзецца 10-га
сьнежня ў зале імя Папы Паўла 6-га ў Ватыкане. Пасьля афіцыяльных выступленьняў прадбачана
канцэрт брандэнбурскага дзяржаўнага аркестра з Франкфурту над Одэрам пад кіраўніцтвам
гішпанскага дырыжора і кампазытара Інмы Шары. Канцэрт выслухае таксама Сьвяцейшы
Айцец.