Qyteti qipriot Nikozia që nesër do të jetë teatër i Takimit të 22-të “Njerëz e Besime”,
organizuar nga Bashkësia e Shën Egjidit.
(14.11.2008 RV)Është fjala për një takim të përvitshëm, që mbledh burra e gra
të kulturave e të feve të ndryshme, nën shenjën e dialogut e të paqes. Kujtojmë se
Qipro është selia e një Kishe të madhe ortodokse, vend ku shkelën Apostujt Pali e
Barnaba e, në vitin kushtuar Apostullit të Popujve, takimi merr një ngarkesë të posaçme
shpirtërore, sepse kujton nga afër ungjillëzimin e lashtë të kësaj toke, duke shprehur
edhe respektin për kishën e madhe ortodokse, që mikpret takimin “Njerëz e Besime”.
Mund të themi se kemi të bëjmë me një shenjë ekumenizmi konkret e me një mesazh të
ndjeshëm paqeje.