Прэзыдэнт-элект ЗША падзякаваў Бэнэдыкту 16 за віншаваньні

Ватыкан пацьвердзіў, што амэрыканскі Прэзыдэнт-элект Барак Обама тэлефанаваў да Папы, каб падзякаваць яму за віншаваньні, якія атрымаў з нагоды выбарчае перамогі.
Сьвяцейшы Айцец назваў выбар кандыдата дэмакратаў “гістарычнаю нагодаю”, а таксама надзяліў сваё блаславенства Обаме ды цэламу амэрыканскаму народу, каб разам з усімі людзьмі добрае волі прычыніліся да пабудовы мірнага, салідарнага ды справядлівага сьвету.