Thirrje e nuncit apostolik në Kenia, imzot Lebopë, për lirimin e rregulltareve italiane,
rrëmbyer në kufi me Somalinë.
(11.11.2008 RV)Asnjë lajm i ri
për fatin e dy misionareve italiane, motër Katerina Gjiraudo e motër Maria Tereza
Oliviero, të rrëmbyera para dy ditësh në një fshat në kufirin ndërmjet Kenias e Somalisë.
Zhvillimet e ngjarjes ndiqen nga afër prej Vatikanit, që merr pjesë në shqetësimin
e thellë të ‘Lëvizjes Kundruese Misionare Atë Fuko” të Kuneos, në të cilën bëjnë pjesë
dy rregulltaret. Prokuroria e Romës ka filluar hetimet për rrëmbimin e tyre, ndërsa
nunci apostolik në Kenia, imzot Alë Pol Lebopë, u bën thirrje rrëmbyesve t’i
lirojnë sa më shpejt motrat italiane dhe i fton gjithë besimtarët të luten për lirimin
e rregulltareve, që i shërbejnë prej 20 vjetësh të varfërve në vendin afrikan.