Asnjë marrëveshje në bisedime për Eulex. Kermabon theksoi se EULEX i do të ndërtojë
një partneritet të fortë me shoqërinë civile.
(10.11.2008 R.V.)Janë mbyllur pa asnjë marrëveshje bisedimet mes përfaqësuesve
të Kosovës dhe ambasadoreve te huaj nëe Prishtinë. Bisedimet e zhvilluara mbrëmjen
e se dielës kishin si temë kryesore propozimin 6-pikësh të sekretarit të përgjithshëm
të OKB-së, Ban Ki Moon për dialogun me Serbinë. Nje nga çështjet ishte edhe vendosja
e misionit EULEX ne veri te Kosovës. Takimi është zhvilluar me dyer të mbyllura e
pa asnjë deklaratë. Liderët kosovarë, presidenti dhe kryeministri e kanë hedhur
poshtë propozimin 6-pikësh të sekretarit të përgjithshëm të OKB-së, Ban Ki Moon për
dialogun me Serbinë me arsyetimin se ai cenon sovranitetin e Kosovës. Sipas këtyre
burimeve, presidenti dhe kryeministri vazhdojnë të këmbëngulin se i vetmi plan i zbatueshëm
në Kosovë mbetet plani i Ahtisarit, mbi bazën e të cilit është shpallur pavarësia.
Sekretari i Përgjithshëm i Kombeve të Bashkuara Ban Ki Mun nesër do të raportojë në
mbledhjen e Këshillit të Sigurimit të OKB-së për 6 pikat e tij dhe nëse ato janë pranuar
apo refuzuar nga Beogradi dhe Prishtina. Partitë opozitare në Kosovë kërkojnë
nga drejtuesit e institucioneve që të ngulin këmbë dhe mos të pranojnë kompromisin
që bashkësia ndërkombëtare është duke u përpjekur të arrijë si një zgjidhje për vendosjen
e EULEX-it nën kushtet të cilat i ka vendosur Beogradi.
Shefi i EULEX it,
Iv dë Kermabon thotë se misioni EULEX do të mbështesë autoritetet e Kosovës nëpërmjet
këshillave dhe udhëzimeve në të gjitha fushat që kanë të bëjnë me sundimin e ligjit,
duke saktësuar sektorin e policisë, gjyqësisë dhe doganave. Gjithashtu Kermabon theksoi
se EULEX i do të ndërtojë një partneritet të fortë me shoqërinë civile dhe do të ndihmojë
krijimin e një kulture bashkëpunimi mes institucioneve të vendit dhe shoqërisë civile.
"Roli i EULEX it është që të ndihmojë në zhvillimin e gjyqësorit, policisë dhe doganave
të paanshme dhe shumetnike, e gjithashtu të sigurojë se këto institucione janë të
lira nga ndërhyrjet politike", vlerësoi Kermabon në një debat me temë "Fuqizimi i
sundimit të ligjit në Kosovë", që u organizua nga Forumi për Iniciativa Qytetare dhe
"Safervorld" me të ftuar nga EULEX i, institucionet e Kosovës dhe shoqëria civile.