Pas fitores, Obama fillon me formimin e skuadrës së re të qeverisjes
(06.11.2008 RV)“Një zgjedhje për të cilën amerikanët duhet të jenë krenarë”.
Kështu Gjorgj Bush ka përgëzuar Barak Obamën për fitoren garës për president në Shtëpinë
e Bardhë. Ndërkaq vlojnë veprimtaritë politike për të formuar skuadrën e re të qeverisë
dhe tashmë arrijnë emërimet e para. Përmes ambasadës së Shteteve të Bashkuara
të Amerikës pranë Selisë Shenjte, Barak Obamës i kanë arritur urimet e Papës. Në një
mesazh Benedikti XVI, duke e përkufizuar këtë zgjedhje “një ngjarje historike”, i
siguron lutjet e tij Zotit, që ta ndihmoj në përgjegjësitë e larta të vendit amerikan
dhe në bashkësitë ndërkombëtare. Papa, gjithashtu, kërkon “bekimin e Zotit për presidentin
e zgjedhur dhe për popullin e Shteteve të Bashkuara të Amerikës, që bashkë me të gjithë
njerëzit vullnetmirë të mund të ndërtohet një botë e paqes, solidaritetit dhe drejtësisë”.
E
zgjedhja e Barak Obamës për president të ri të Amerikës, ka zgjuar reagime të favorshme
në pjesën më të madhe të botës. Siç kemi dëgjuar, e tërë Afrika, në veçanti Kenia,
ku ka lindur babai i Obamës, e ka pranuar me gëzim të madh zgjedhjen e senatorit afro-amerikan
si president e tani e shkon të ardhmen më me shumë shpresë.
Në disa Shtete
Amerikane, përveç se për Shtëpinë e Bardhë, është votuar edhe për tema të tjera. Edhe
Kalifornia pas Floridës dhe Arkansasit, me një referendum, ka ndaluar martesën në
mes homoseksualëve. Me 52,1% të votave, referendumi ka anuluar vendimin e Gjykatës
së Lartë të Shtetit që e kishte autorizuar. Rrezikojnë të jenë të pavlefshme 18 mijë
çiftët të bashkuar në mes personave të të njëjtit seks.