(2.11.2008 RV)Sot, e diela e 31-të
e vitit kishtar, u përkujtuan të gjithë besimtarët e kaluar në jetën e amshuar. Vullneti
shëlbues i Atit të Gjithpushtetshëm realizohet përmes misionit të Jezusit. Kush beson
në Të ka jetën e pasosur.
Nesër, më 3 nëntor, Kisha përkujton shën Martinin
de Porres, Shën Silvien e shën Ubertin. Lum të urtët e të pastrit në zemër.
Shën
Karl Borromeu ipeshkëv festohet të martën. Lavdi ty o Zot, ndër të gjithë shenjtorët.
Po më 4 nëntor përkujtohet edhe shën Modesta.
Më udhëhiq me dritën tënde o
Zot, në rrugën time. Të mërkurën përkujtohen shën Domnini e Teotini.
Kush
kërkon Zotin do të gjejë gëzimin. Kështu e gjetën edhe shenjtorët, festa e të cilëve
bie të enjten, më 6 nëntor. Ata janë shën Leonardi de Noblak e shën Severi i Barcelonës.
Të
premten e ardhshme, Kisha katolike përkujton shën Baldin e shën Prosdoçimon. Të mos
ia kushtojmë krejt vëmendjen vetëm punëve të kësaj bote, por të kujtojmë se jemi bij
të dritës.
I bekuar është ai që jep gjithçka me gëzim. E shtuna, 8 nëntor,
është dita e shën Gofredit nga Amiensi, e të Lumit Duns Skot dhe e shën Teodorit.