Ватыкан: Папа Бэнэдыкт 16 на адкрыцьці новага акадэмічнага году
Студэнты і выкладчыкі папскіх навучальных устаноў Рыму ўрачыста пачалі новы акадэмічны
год. У Базыліцы Сьвятога Пятра Сьвятую Імшу для іх адслужыў кардынал Грохолеўскі,
Прэфэкт Кангрэгацыі Каталіцкае Адукацыі. На заканчэньне Літургіі да Базылікі прыбыў
Сьвяцейшы Айцец і падзяліўся з усімі прысутнымі роздумамі аб сапраўднай і фальшывай
мудрасьці. Бэнэдыкт 16 заўважыў, што ўжо Апостал Народаў у Першым Пасланьні да
Карынцыянаў падкрэсьлівае розьніцу паміж двума мудрасьцямі, з якіх толькі адна сапраўдная,
гэтая Боская, калі другая ў сапрўднасьці ёсьць “недарэчнасьцю”. Божая Мудрасьць,
якая ёсьць у Хрысьце, была нам дадзена і мы можам у ёй ўдзельнічаць. “Мудрасьць
гэтага сьвету”, піша далей Апостал Павал, гэта жыцьцё ў адарваньні ад Бога, паводле
дамінуючых у дадзеным моманце думак, паводле крытэрыяў посьпехаў ды панаваньня. “Божая
Мудрасьць”- сказаў Папа- заключаецца ў сачэньні Божае задумы. Гэта Хрыстос адкрывае
нам вочы сэрца, каб мы змаглі ісьці дарогаю праўды і любові. Павал жадае падкрэсьліць
у сваім пасланьні тое, што сапраўды служыць збаўленьню а што, за тое, можа весьці
да падзелаў і ўпадку. Апостал перасьцерагае перад фальшываю мудрасьцю, якою ёсьць
чалавечая пыха. Бо ж яна, а не веды, робяць зло. Дзеля гэтага – працягваў Сьвяцейшы
Айцец- мы заўсёды мусім ачышчаць сэрцы з пыхі - як казаў Апостал Павал- якая прысутная
ў кожным з нас”. У слове да студэнтаў і выкладчыкаў папскіх навучальных устаноў
Вечнага Гораду Бэнэдыкт 16 прыпомніў, што і сам Апостал Павал змагаўся з праблемамі
пыхі і дамінацыяю цялеснага чалавека. Яго дасьведчаньне паказвае, што сапраўднае
ачышчэньне розуму зьдзяйсьняецца толькі дзякуючы Божай Ласцы, цераз прыняцьце “задумы
Хрыста”. Тую жа “задуму Хрыста” мы праймаецм за пасрэдніцтвам Касьцёла і ў Касьцёле-
сказаў Папа Бэнэдыкт 16.