Багародзічная малітва "Анёл Гасподні" ў нядзелю 26-га кастрычніка
У сваёй прамове, перад адгаварэньнем гэтае марыйнае малітвы, Сьвяцейшы Айцец узьняў
заклік сынадальных айцоў, што прадстаўлялі Усходнія Касьцёлы, аб абароне хрысьціян
у Індыі і Іраку. Прыпомніў, што ў многіх краінах пасьлядоўнікі Хрыста надалей зазнаюць
жудаснага насільля. Думаю ў гэтай
хвіліне асабліва пра Ірак ды Індыю. Я ўпэўнены, што старажытныя і высакаодныя народы
гэтых краін навучыліся, на працягу многіх стагоддзяў суіснаваньня ва ўзаемнай пашане,
дацэньваць уклад ( які малыя, але працавітыя і важныя хрысьціянскія меншасьці) ўзносяць
для ўзросту супольнай бацькаўшчыны. Яны не дамагаюцца прывілеяў. Хочуць толькі магчы
надалей жыць ў сваіх краінах разам з іншымі саўграмадзянамі, так як было заўсёды.
Адпаведныя цывільныя ды рэлігійныя ўлады прашу зрабіць усе магчымыя намаганьні, сказаў
Папа, каб законнасьць і грамадзкае суіснаваньне былі як найхутчэй прыверненыя а сумленныя
грамадзяне змаглі разлічываць на адпаведную ахову з боку дзяржаўных устаноў”. Зьвяртаючыся
да цывільных уладаў і рэлігійных кіраўнікоў гэтых краін Сьвяцейшы Айцец зрабіў заклік,
каб здабыліся на выразныя ды канкрэтныя жэсты прыязьні і пашаны адносна меншасьцяў,
у гэтым і хрысьціян. Заахвоціў гэтыя ўлады да аховы правоў, што належыць меншасьцям.
Малітвам вернікаў даручыў як сітуацыю перасьледаваных хрысьціян, так таксама і сваё
падарожжа ў Камэрун і Анголу.