Агульная аўдыенцыя Папы ў сераду 15-га кастрычніка
Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьвету. У сваёй сёньняшняй катахэзе Бэнэдыкт 16 гаварыў аб
Айцах Царквы. Сьвяцейшы Айцец зноў гаварыў на сёньняшняй аўдыенцыі пра Апостала
Паўла. Адно з істотных паняцьцяў, якія Сьвяты Павал прымяняе ў сваіх Пасланьнях ёсьць
слова Касьцёл. Перад сваім наверненьнем пад гэтым назовам ён разумеў прыхільнікаў
Хрыста, якія жылі паводле дарогі і прынцыпаў, што былі пагрозаю для юдаізма. У Пасланьні
да Галятаў Апостал Народаў піша: “Вы чулі аб маіх ранейшых паводзінах, калі яшчэ я
вызнаваў юдаізм, як з надзвычайнаю турботаю я перамагаў Божы Касьцёл ды намагаўся
яго зьнішчыць”. Дзякуючы наверненьню- сказаў Папа ў сваёй сёньняшняй катахэзе-
Павал адкрывае Касьцёл як Божы, як супольнасьць пакліканую Хрыстом, якая вядзе вернікаў
да збаўленьня. Тэрмін “Эклезія” Павал прымяняе ў сваіх Пасланьнях у патройным значэньні:
як зграмаджаньне супольнасьці на Літургіі, як асобную мясцовую супольнасьць верных,
напрыклад у Эфэзе, Карынце, Галяцыі і гэтак далей, ўрэшце як Паўсюдны Касьцёл. Апісвае
рэчаіснасьць Касьцёла прымяняючы некалькі характэрных вобразаў: Гаворыць аб Касьцёле
як аб Целе Хрыста, якога галавою ёсьць Хрыстос а вернікі членамі, якія ўключаныя ў
яе Эўхарыстыяю. Павал паказвае Касьцёл як Божую Сьвятыню, жывы, дынамічны арганізм,
які ажыўлены сілаю Сьвятога Духа. Прымяняе таксама назовы: Дом Божы, Божая Роля,
Божая Будоўля, Божы Народ. Гэтага роду акрэсьленьні- сказаў на заканчэньне сваёй
катахэзы Бэнэдыкт 16—дапамагаюць таксама і нам, сучасьнікам, лепш разумець таямніцу
Касьцёла і супрацоўніцтва ў яго пабудове.
На заканчэньне
аўдыенцыі Папа прывітаў ўсіх вернікаў асабліва хворых, моладзь ды новыя шлюбныя пары
надзяляючы на ўсіх сваё Апостальскае Блаславенства.