U paraqit në Romë libri i ri i kardinalit Komastri me titull: “Jezusi… e sikur gjithçka
të jetë e vërtetë?”.
(12.10.2008 RV)Të enjten e kaluar,
në Kampidolio, në Romë, u paraqit libri më i ri i kardinalit Anxhelo Komastri, kryeprift
i Bazilikës së Shën Pjetrit e vikar i përgjithshëm i Shenjtërisë së Tij për Qytetin
e Vatikanit. Me titull ‘Jezusi… e sikur gjithçka të jetë e vërtetë?’, shtypur nga
Shtëpia Botuese e Shën Palit, vëllimi flet për jetën e Krishtit, për profecitë që
kumtuan ardhjen e Tij e deri në misterin e vdekjes e të ngjalljes, për t’u ndaluar,
edhe tek kthimi i Zotit në fundin e kohëve.
“U gërryen afresket e u shkulën
nga muret pikturat, u flakën në zjarr mesharët e oficet e librat e shenjtë, por jeta
e Krishtit nuk u shlye, nuk mund të shlyhet: ajo mbush përplot muzej e galeri; emri
i Zotit e fjalët e Tij gjinden në të gjithë librat e letërsisë. Mbi muret e Kishave
e të shkollave, mbi majat e kumbonareve e mbi tabernakuj, mbi male, krevate e mbi
varre, miliona kryqe na kujtojnë vdekjen e të Kryqëzuarit. Sido që të veprohet, Krishti
nuk mund të zhduket! Ai mbetet alfa e omega!”.
Kështu e nis
kardinali Komastri librin e tij të ri, që pret lexuesin…