Me Benediktin XVI si lexues i parë, fillon sonte leximi i plotë i Shkrimit Shenjt.

(05.10.2008 RV)Siç e kujtoi Papa në lutjen e Engjëllit të Tënzot, sonte fillon nisma “Bibla ditë e natë”, gjatë së cilës do të lexohen 73 librat e Shkrimit Shenjt.
Pas Atit të Shenjtë i cili do të lexojë Kapitullin e parë të Librit të Zanafillës, do të vijojnë rreth 1200 lexues – individë, grupe, familje. Leximi i Papës do të transmetohet në Rai 1 duke filluar nga ora 19. 00.
Kjo do të jetë shfaqja e jashtëzakonshme, që do të mund të ndiqet nga bazilika romake e Shëna Krygjës së Jeruzalemit nga 5 deri më 11 tetor, kur ky vend do të bëhet teatër i ngjarjes së shumpritur, titulluar ‘Bibla ditë e natë”.