Përse duhet riparë historia e letërsisë shqipe- flet Drejtori i Qendrës së Studimeve
Albanologjike të Tiranës,Ardian Marashi
(01.10.2008)nga ATSH-ja-.Në syrin e studiuesve, periudha gati 18 vjeçare pas
përmbysjes së regjimit komunist është relativisht e vonë për të hartuar historinë
e letërsisë shqipe, e cila për gati 40 vjet qëndroi e paralizuar krejtësisht nga diktatura.
Kësisoj, sipas studiuesve, sot nuk ekziston një histori e mirëfilltë e letërsisë. Drejtori i Qendrës së Studimeve Albanologjike, Ardian Marashi, flet në një
intervistë për ATSH-në për domosdoshmërinë e rishikimit dhe hartimit të historisë
së letërsisë shqipe. Epoka e realizmit socialist, e cilësuar si 'epoka më e
pasur letrare', nuk kishte vend për ata autorë, të cilët me shkrimet e tyre nuk përçonin
ideologjinë komuniste. Në tekset letrare dhe akademike u vendosën vetëm ata autorë
që përçonin një tekst të caktuar të regjimit ose përcillnin në poezi fjalët e një
mitingu të caktuar, shkrime në gazeta dhe fjalime programatike të udhëheqësve. Ndaj
jo më kot historia e letërsisë shqipe aktuale konsiderohet si letërsia e tunelit,
e burgut, e mërgimit. Në një kohë kur autorët me pasuri dhe vlera kulturore si Mid'hat
Frashëri, Martin Camaj dhe Zef Zorba dhe plot autorë të tjerë, ndoshta dhe më të rinj,
mbetën të pabotuar, të shtrëmbëruar, të harruar. Po të vëmë re, thotë studiuesi
Marashi, letërsia nuk mbetet e diferencuar nga shoqëria shqiptare gjatë periudhës
së realizmit socialist. "Presioni për lirinë e shprehjes u zhvendos dhe në sferën
kulturore, qoftë kjo letrare. Pra atë pengesë që kishte individi për të shfaqur mendimet
e tij, atë pengesë hasi dhe shkrimtari për të publikuar veprat e veta", thotë ai,
ndërsa shton se pavarësisht se një shkrimtar mund të kishte vdekur, ai në veprat e
tij gjykohej se kishte pasur gabim që nuk e kishte njohur partinë para se ajo të lindë
dhe ishin shprehur gabim kundër saj. "Ajo që është më specifike është se të
gjitha këto spastrime dhe këto ndëshkime u bënë dhe më pas u ligjëruan", nënvizoi
z. Marashi. A lind nevoja të hartohet një histori e letërsisë shqipe?
Tashmë ka kohë që pritet një histori e re e letërsisë shqipe, pasi vëllimi i vetëm
i kësaj historie, i vetmi botim që vazhdon të ekzistojë, është një libër që çmësonte
më tepër se sa mësonte. Pra relativisht autorë, të cilët ishin të trajtuar në të si
Naim Frashëri, Çajupi, etj, ne i njihnim tashmë dhe materialet e autorëve të tjerë
të trajtuar ishin dizinformuese, për të mos thënë që shumë prej tyre nuk ekzistonin.
Problemin mund ta konsiderojmë si madhor pasi gjithë studiuesit janë shtangur përpara
nevojës për të realizuar një Histori të Letërsisë Shqipe dhe për të plotësuar boshllëqet
e mëdha. Ka pasur dhe tentativa për të bërë një gjë të tillë nga autorë, ku mund të
përmendim Sabri Hamitin, i cili në disa vëllime ka nxjerrë një cikël studimesh që
shërbejnë si model për të hartuar një histori të letërsisë shqipe. Cilat
janë periudhat të cilat duhen trajtuar si bërthama e këtij problemi? -Në
fakt ajo që mund të konsiderohet si baza e rishikimit janë kapitujt, në të cilët historia
e letërsisë së vjetër ka ofruar shumë pak material për të mos thënë fare. Këtu bëhet
fjalë për periudhën pas pavarësisë (1912) dhe për të vazhduar deri në ditët tona.
Në këtë hark kohor vendoset dhe letërsia moderne, e cila aktualisht është e patrajtuar
dhe përmban pjesën më të madhe të lexuesve. Sipas mendimit tuaj, kush
janë shkrimtarët që përbëjnë histori të letërsisë? Nisur nga një mendim
jo përjashtues, çdo shkrimtar mund të jetë pjesë e letërsisë shqipe, meqënëse çdo
autor në mënyrën e vet kontribuon në këtë drejtim. Pastaj, se kush do jenë shkrimtarët
të denjë për të qëndruar brënda kornizës së kësaj historie, kjo mbetet një çështje
sa subjektive aq dhe objektive dhe besoj se do të realizohet në mënyrën sa më dinjitoze.
Këtu do jenë të përfshirë dhe autorë të cilët shkruajnë letërsi shqipe dhe në viset
shqipfolëse si Kosovë, Maqedoni, Mal i Zi dhe trojet arbëreshe. Cilën do
të evidentonit si periudhën ku është ndërprerë ecuria normale letrare?
Vitet 1948, koha e pastrimeve ideologjike të bibliotekave të shtetit apo atyre personale.
Biblioteka të tëra u dogjën dhe autorë të tërë u përjashtuan nga letërsia kombëtare.
Nga një pasuri kulturore, shumë shpejt dolëm në një varfëri të skajshme në leteraturë,
që mund ta konsiderojmë si diçka krejtësisht të pakonceptueshme. Ky spastrim i bibliotekave
dhe pasurisë tonë kombëtare krijoi atë boshllëkun e madh, shtangien për një periudhë
të gjatë të procesit letrar në Shqipëri. Përjashtojmë shkrimtarë si Mitrush Kuteli,
i cili vazhdoi të shkruajë dhe gjatë viteve 1940-1945, përgjatë një periudhe 15 vjeçare,
periudhë e errët pa asnjë prodhimtari letrare. Ndërsa në vitin 1992 lindën shtëpitë
botuese private, të cilat botuan vepra të rëndësishme të kulturës letrare. Gjithsesi,
janë mjaft studime që duhen kryer, janë shumë vepra autorëve të ndaluar që duhen botuar
dhe shumë materiale të humbura, të cilat duhen plotësuar. Një hap i parë është bërë,
por përsëri hendeku studimor ka mjaft për të plotësuar. Nga kush do të
jetë i përbërë grupi i specialistëve, të cilët do punojnë për realizimin e këtyre
teksteve? Normalisht në këtë grup pune të koordinuar nga Instituti i Gjuhësisë
dhe Letërsisë do bëjnë pjesë kolegët e afirmuar si studiues dhe kërkues shkencor të
letërsisë, akademikë të fakulteteve brenda ose jashtë vendit nga Kosova, Maqedonia,
nga katedrat e Albanologjisë në Napoli dhe Kozenca. Në cilën periudhë duhet
të përqëndrohen më tepër studiuesit dhe specialistët? Boshllëqet më të
mëdha evidentohen në shekullin e XX-të. Prandaj në momentin kur do bëhet një rivlerësim
i historisë së letërsisë, pikësëpari duhen parë autorët e ndaluar për të cilët nuk
kemi informacion të plotë, sidomos ata veriorë, të cilët pas zhdukjes së fesë dhe
objekteve fetare dolën jashtë bibliotekave. Rikthimi i tyre nuk duhet të jetë fizik
që do të thotë vetëm duke vendosur një libër në bibliotekë, por, pas kaq vitesh shkëputje
studimore, duhet parë si vinë këta autorë në shek XXI. Ky është një proces i dyfishtë
dhe kërkon një punë voluminoze nga ana e studiuesve, sepse duhet bërë një rivendosje
dhe rivlerësim i autorëve të epokës së kaluar dhe sa produktive janë vlerat e tyre
në një epokë moderne. Epoka e realizmit socialist u cilësua si "epoka më e pasur letrare",
ku në tekstet letrare dhe akademike u vendosën ata që përçonin një tekst të caktuar
të regjimit ose përcillnin në poezi fjalët e një mitingu të caktuar, shkrime në gazeta
dhe fjalime propagandistike të udhëheqësve. Duke ndjekur këtë logjikë, për
mendimin tim në këtë histori përjashtohen automatikisht shumë shkrimtarë, të cilët
e vendosin veten në historinë e letërsisë shqipe. Këta autorë që i kanë qëndruar kësaj
vije e bëjnë më të lehtë punën e studiuesit. Do bëhet një rishqyrtim i terrenit në
bazë të vlerave të qëndrueshme. Anri Bala
HISTORIA E RE E LETËRSISË, DËSHPËRUESE
PËR AUTORËT QË KANË QENË ROJE TË PIRAMIDËS -Drejtori i Qendrës së Studimeve Albanologjike
flet në një intervistë për ATSH-në- 01.10.2208. nga /ATSH-ja -Anri Bala/-
Drejtori i Qendrës së Studimeve Albanologjike në vijim të intervistës së tij për ATSH-në
nënvizon se kurrë nuk është vonë për të edukuar një shije estetike.
Me
historinë aktuale të letërsisë së Shqipërisë janë edukuar shumë breza, mendoni se
është paksa vonë për të bërë një hap të tillë? Personalisht mendoj se kurrë
nuk është vonë për të edukuar një shije estetike. Edukimi i saj ka filluar me programet
e reja në letërsi dhe gjuhë shqipe. Tezat e paraqitura duhet të ofrojnë koncepte bashkëkohore
dhe të mbështeten në kriteret e konfirmuara të studimit letrar aktual, edhe nëqoftëse
kjo realizohet pas 4-5 vjetësh ose diçka më tepër. Relativisht është vonë se do ishte
mirë sikur e gjithë kjo të kishte ndodhur në 1991 pas rrëzimit të barrierave.
Në çfarë raporti është vendosur Shqipëria me trojet shqipfolëse?
Ndërlidhja midis hapësirave kulturore shqiptare të ndara politikisht nuk është shumë
organike. Personalisht e shoh pak të vështirë të ndërhyjmë menjëherë në hartimin e
letërsisë së gjuhës shqipe për faktorë që përmendëm më sipër. Terreni është relativisht
i studiuar, por që nuk njihet shumë mirë. Për të mos thënë se në Shqipëri nuk njihet
mirë letërsia e vërtetë përfaqësuese në trojet shqipfolëse.
Po shkrimtarët
e brezit të ri të pas viteve 90-të a duhen konsideruar si pjesë e historisë së letërsisë
shqipe?
Për mendimin tim frika e studiuesit bën që të largohen nga
kjo letërsi shkrimtarë që janë të gjallë ose jo, këtu nuk bëhet fjalë vetëm për ata
që kanë konfirmuar një vepër mbi 20 volume, por dhe për shkrimtarë më të rinj. Problem
do të ishte nëqoftëse përjashtojmë shkrimtarët produktivë, të cilët janë pranuar si
vlera në hapësirën mbarë shqiptare, dhe sot emrat ose veprat e tyre gjenden në të
gjithë hapësirën ku organizohen panaire ndërkombëtare të librit. Këta autorë janë
përfaqësues të epokës moderne me letërsi të gjallë, duke bërë një lidhje të natyrshme
të periudhës së këputur të ecurisë normale të historisë së Shqipërisë dhe kjo orienton
letërsinë drejt zhvillimeve të reja. Kritikat letrare dhe studiuesit i kanë shumë
borxh zhvillimeve aktuale të letërsisë shqipe, sepse duke qënë të detyruar të merren
me ripohimin, rikonfirmojnë dhe rivlerësojnë vlerat e letërsisë së traditës të periudhave
të kaluara, të cilat kanë qënë të ndaluara. Njëkohësisht historinë e letërsisë shqipe
aktuale mund ta quajmë fare mirë letërsinë e tunelit, e burgut, mërgimit. Në një kohë
kur autorët me pasuri dhe vlera kulturore si Martin Camaj dhe Zef Zorba dhe plot autorë
të tjerë ndoshta dhe më të rinj mbeten të pabotuar.
Mendoni se ky hap
do ngjallte kundërshtime nga një pjesë e mirë e shkrimtarëve?
Në fakt
kam bindje se studiues të veçantë nuk kanë filluar të shkruajnë për një letërsi shqipe,
për vet faktin se janë trembur dhe nga reagimet që do të sjellë ky proces. Reagimi
i parë është ai i përfaqësimit kur bëhet fjalë për epokën e realizmit socialist. Do
të jetë dëshpëruese për autorë të ndryshëm, të cilët janë mësuar të qëndrojnë në majë
të piramidës, nëse dikush nuk i përmend më sepse ata kanë qënë vetëm roje të kësaj
piramide. Ndofta dhe për ndonjë lexues që në botëkuptimin e tij vazhdon ta dojë atë
koncept letrar dhe atë mënyrë shkrimi. Nuk duhet të harrojmë se për gati 40 vjet të
paraqesësh të njëjtën formë shkrimesh propagandistike, masa ambientohet dhe do ju
duket e vështirë largimi ndaj "idealeve të partisë". Këto nuk janë probleme që duhet
ta shqetësojnë një hartues të kësaj letërsie. Ajo që duhet t'i vendos përpara përgjegjësisë
janë objektivat dhe përcaktimi i kritereve vlerësuese.
Çfarë qëndrimi
ka mbajtur Qëndra e Studimeve Albanologjike dhe a ka reflektuar mbi këtë problem?
Qendra e Studimeve Albanologjike ka pak kohë që është krijuar dhe një nga nismat tona
të para ka qënë angazhimi për të servirur një vepër përmbledhëse përsa i takon historisë
së letërsisë shqipe. Momentalisht ndodhemi në një lloj vështirësie specifike të letërsisë
sepse këtu nuk bëhet fjalë për të plotësuar një autor që mungon, por janë disa breza
shkrimtarësh që nuk njihen pothuajse fare. Këto hulumtime duhen kompletuar
me studime arkivore, studime direkte të veprës dhe me vepra që s'janë të botuara,
të cilat do ndihmojnë për të dalë në një konkluzion. Kjo është relativisht një punë
e vështirë dhe voluminoze dhe e pamundur për t'u trajtuar individualisht. Detyrimisht
kërkohet një grup specialistësh që nuk do të jenë vetëm nga Instituti i Letërsisë
dhe Gjuhësisë.
Si do t'i klasifikonit qëndrimet e lexuesit të sotëm?
Lexuesi i sotëm ka 3 qëndrime, një është pasiv, ku ai merr gjithçka që i jepet dhe
është gati të bluajë dhe gjërat e reja që jepen. Në grupin e dytë mund të vendosim
lexues të traditës, të cilët janë mësuar me një cikël veprash ose autorësh, duke kërkuar
në një farë mënyre të mos dalë jashtë kufijve të tij të vetpërcaktuara. Grupi i tretë
dhe i fundit pret të rivlerësojë shumë vepra e autorë, pasi ka konstatuar se ka shumë
mangësi dhe boshllëqe. Mendoj se po presin me padurim që të mbivendosen materiale
të reja, me një sy më kritik sepse këtij grupi nuk është e lehtë t'i servirësh gjithçka.