Imzot Mambertì në AIEA: "Shtetet të punojnë së bashku për sigurinë bërthamore".
(02.10.2008 RV)Përdorimi paqësor
i energjisë bërthamore kërkon një impenjim të përbashkët, me qëllim që të mbrohet
e të përmirësohet jeta e njeriut”: kështu u shpreh kryeipeshkvi Mambertì, sekretar
i Vatikanit për marrëdhëniet me shtetet, në fjalimin e mbajtur para Asamblesë së 52-të
të përgjithshme të Agjensisë ndërkombëtare për energjinë atomike, që vijon edhe nesër
në Vjenë e në të cilën marrim pjesë 145 shtetet anëtare.Sekretari i Vatikanit kërkoi
të fitohet më shumë vetëdija se të gjithë njerëzit i përkasin familjes së vetme njerëzore
e se duhet të impenjohen që bashkëjetesa në Tokë ta pasqyrojë sa më shumë këtë bindje,
nga e cila varet sigurimi i paqes së qëndrueshme. Imzot Dominik Mambertì u përsëriti
të gjithë delegatëve të vendeve anëtare të AIEA-së, ftesën drejtuar nga Benedikti
XVI në mesazhin e paqes 2008, duke i siguruar se Selia e Shenjtë do ta mbështesë Agjensinë,
historia e së cilës dëshmon që prej 50 vjetësh sa e nevojshme është që të gjithë popujt
të punojnë së bashku për sigurinë bërthamore, për përdorimin paqësor e të sigurtë
të teknologjisë atomike e për çarmatimin bërthamor.