Агульная Аўдыенцыя Сьвяцейшага Айца ў сераду 1-га кастрычніка
Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьвету. У сваёй сёньняшняй катахэзе Бэнэдыкт 16 зноў гаварыў
аб Сьвятым Паўлу. Пазнаёміў вернікаў і паломнікаў з двума здарэньнямі, якія сьведчылі
аб вялікай пашане Сьвятога Паўла адносна Сьвятога Пятра ды іншых Апосталаў. Тыя
здарэньні гэта Ерузалімскі Сабор ды інцыдэнт у Антыёхіі Сырыйскай. 14-ць гадоў пасьля
свайго наверненьня Апостал Павал вярнуўся разам з Барнабаю і Цітам у Ерусалім, каб
абмеркаваць з іншымі Апосталамі напрамкі сваёй эвангэльскай паслугі. Вынікам сустрэчы,
якую прызнана за Першы Сабор, было адабрэньне ўздыманых Паўлам дзеяньняў сярод паганаў.
Сабор стаў выяўленьнем адзінства сярод Апосталаў і адкрытасьці Царквы для ўсіх. Прызнана-
працягваў Папа ў часе сёньняшняе аўдыенцыі- што Закон Майсея не будзе ўжо абавязваць
хрысьціян, якія навярнуліся з паганства а знакам свабоды пасьлядоўнікаў Хрыста будзе
служэньне братам, асабліва патрабуючым. Даючы гэтаму выяўленьне Сьвяты Павал перадаў
узнос, які Супольнасьць ім заснаваная сярод паганаў, сабрала для Ерусалімскае Царквы. Інцыдэнт
у Антыёхіі- працягваў Сьвяцейшы Айцец – тычыўся няшчырага стаўленьня Апостала Пятра
да братоў у часе спажываньнч пасілкаў, у якіх удзельнічалі верныя, што выводзіліся
з юдаістычнае традыцыі і па-рознаму ставіліся адносна неабходнасьці перасьцераганьня
рытуальных правілаў Старога Запавету. Апостал Павал прыпомніў, што ўсе, якія належаць
да Царквы ёсьць свабоднымі ад зьбераганьня старых правілаў. Абмен думкамі, дыялог
і шуканьне еднасьці ў Духу Сьвятым- сказаў на заканчэньне аўдыенцыі Бэнэдыкт 16- дапамаглі
адчытаць Апосталам сапраўдны памер Эвангэльскае Праўды аб апраўданьні ў Хрысьце.
На заканчэньне аўдыенцыі Папа прывітаў ўсіх вернікаў асабліва хворых, моладзь ды новыя
шлюбныя пары надзяляючы на ўсіх сваё Апостальскае Блаславенства.