Në muajin tetor - leximi i pandërprerë i Shkrimit Shenjt në TV.
(01.10.2008 RV)U paraqit sot paradite
nisma titulluar ‘‘Bibla natë e ditë”, që vihet për herë të parë në jetën e Kishës. Rreth
1200 lexues – individë, grupe, familje, të paraprirë nga lexuesi më i nderuar, Benedikit
XVI. Kjo do të jetë shfaqja e jashtëzakonshme, që do të mund të ndiqet nga bazilika
romake e Shëna Krygjës së Jeruzalemit nga 5 deri më 11 tetor, kur ky vend do të bëhet
teatër i ngjarjes së shumpritur, titulluar ‘Bibla natë e ditë”, gjatë së cilës do
të lexohen 73 librat e Shkrimit Shenjt. Leximet do të nisin me kapitujt e parë të
Librit të Zanafillës, që do të transmetohet nga RAI 1, ndërsa në nismë mund të marrin
pjesë të gjithë ata, që duan ta jetojnë këtë ngjarje të jashtëzakonshme. Lexusi i
parë do të jetë Benedikti XVI, që do të lexojë Librin e Zanafillës, e pikërisht një
fragment nga Kapitulli I, verseti 1, fundin e kapitullit II, versetin 4a, një faqe
unitare. Më pas, qindra lexues të të gjitha natyrave, do të vijojnë leximin ‘Natë-
ditë”.