Indi: vriten edhe tre të krishterë të tjerë

(29.09.2009 RV)Në Indi dhuna kundër të krishterëve vijon: dje, në lumin pranë Kandhamalit, zonë që një muaj më parë ishte epiqendër e dhunës kundër të krishterëve në Orisë, u gjetën trupat pa jetë të tre të krishterëve. Janë dy bashkëshortë dhe një grua, që u zhdukën pak ditë më parë, pasi kishin shpërndarë vaksina në një nga fshatrat e afërme. Një meshtar misionar në zonë, njofton se sulmet e përditshme janë pjesë e një plani të mirëpërcakuar kundër të krishterëve, ideuar nga fanatikët hinduistë. Të krishterët - pohon meshtari - po të mos pranojnë të kthehen në hinduizëm, kërcënohen me vdekje Ata duhet të nënshkruajnë një dokument, përmes të cilit pohojnë se kanë ndërruar fe me vullnet krejt të lirë. Në se nuk pranojnë, torturohen e vriten. Por edhe në se pranojnë, detyrohen të paguajnë një taksë, të shkatërrojnë shtatoret e krishtera, të sulmojnë kishat e të vrasin të krishterë të tjerë, që nuk pranojnë ta ndërrojnë fenë në Krishtin. Këta të fundit, arratisen në pyje ose në kampe refugjatësh. Deri tani kanë ikur 25 mijë vetë, një pjesë e të cilëve janë strehuar në 17 kampe. Dhuna ushtrohet nën dritën e diellit, në mes të rrugës, para syve indiferentë të policëve, që nuk pranojnë të ndërhyjnë – pohon akoma me dhimbje meshtari.