Агульная аўдыенцыя Сьвяцейшага Айца ў сераду 24-га верасьня
Адбылася яна на Плошчы Сьвятога Пятра. Папа Бэнэдыкт 16 прыбыў на яе са сваей
летняй рэзыдэнцыі у Кастэльгандольфо. Прыбыло на аўдыенцыю многа вернікаў і паломнікаў
з кожнага кутку сьвету. У сваёй сёньняшняй катахэзе Бэнэдыкт 16 гаварыў аб кантактах
Сьвятога Паўла з Апосталамі. Сьвяты Павал хаця жыў у часах Ісуса ніколі з Ім не сустрэўся.
Дзеля гэтага пасьля асьвятленьня, якое атрымаў пад Дамаскам, адчуў патрэбу сустрэцца
з першымі вучнямі Настаўніка. У Пасланьні да Галятаў Павал расказвае аб сваіх сустрэчах
з Пятром, Якубам, Янам ды іншымі Апосталамі. У Пятра гасьціўся
15-ць дзён і пазнаёміўся з яго сьведчаньнем. З гэтага сьведчаньня Павал за найбольш
істотны сэнс Павал прызнае словы Ісуса, сказаныя ў часе Апошняе Вячэры, ўстанаўленьне
Эўхарыстыі, сьмерць Хрыста ды палажэньне Яго ў Гроб, Уваскрасеньне 3-га дня ды зьяўленьне
Уваскрослага Пятру і 12-цю. Сустрэчы з Апосталамі- сказаў на заканчэньне сваёй
катахэзы Папа- давялі Паўла вываду, што ён не годны параўноўваць сябе з тымі, якія
мелі магчымасьць жыць побач Хрыста і ўдзельнічаць ў Ягонай дзейнасьці. Адначасна
аднак усьведамляе сабе, што дзякуючы Божай Ласцы ён быў уведзены ў круг першых сьведкаў
Уваскрасеньня. Гэта сьцвярджае ў словах: “Ці я, ці іншыя, так навучаем, каб вы паверылі”.
На заканчэньне аўдыенцыі Папа прывітаў ўсіх вернікаў асабліва хворых, моладзь ды новыя
шлюбныя пары надзяляючы на ўсіх сваё Апостальскае Блаславенства.