Бэнэдыкт 16 да ўдзельнікаў курсу для "маладых" біскупаў
Да Году Сьвятога Паўла і да Сыноду Біскупаў, які ўжо набліжаецца і будзе прысьвечаны
Божаму Слове, спаслаўся Папа, прыймаючы 22-га верасьня ў Кастэльгандольфо толька што
назначаных новых біскупаў. Яны ўдзельнічаюць у сустрэчы, якая была зарганізаваная
спэцыяльна для іх Кангрэгацыяю да спраў Біскупаў і Кангрэгацыяю да спраў Усходніх
Цэркваў. Біскупам, якія толька што пачынаюць сваю паслугу, Бэнэдыкт 16 указаў Апостала
Народаў як прыклад сьвятасьці і любові да Хрыста. “Першым духоўным і апостальскім
абавязкам біскупа мусіць быць жыцьцё поўнае эвангэльскае дасканаласьці- сказаў Папа.
Сярод сродкаў, якія яму дапамагаюць на духоўнай дарозе ёсьць, перад усім, Слова Божае.
Яно мусіць займаць цэнтральнае месца ў жыцьці і місіі біскупа. “Раней чым стане
тым, які перадае Божае Слова, біскуп разам са сваімі сьвятарамі і як кожны вернік
павінен быць слухачом гэтага Слова”. Заахвочваю вас затым- зьвярнуўся Папа да новых
біскупа- каб вы даручаліся штодзённа Божаму Слову, каб быць настаўнікамі веры і сапраўднымі
выхавацелямі сваіх вернікаў”. Але каб змагацца з вялікімі выклікамі сэкулярызму,
які ўласьцівы сучаснаму грамадзтву, неабходным ёсьць, каб біскуп штодзённа абмяркоўваў
Слова Божае ў малітве. Тады будзе добрым яго абвяшчальнікам і настаўнікам, які ўмее
Яго паясьніваць, бараніць і перадаваць іншым” У гэтай сустрэчы, якая праходзіць
у Рыме прыймае ўдзел 120-ць біскупаў, якіх Папа назначыў у апошнім часе.