У нядзелю 21-га верасьня, перад паўднём, Папа Бэнэдыкт 16 адведаў горад Альбано, які
ляжыць блізка Рыму ды зьяўляецца сталіцаю дыяцэзыі, на якой ляжыць папская рэзыдэнцыя
ў Кастэльгандольфо. Мэтаю візыту было высьвячэньне ў тамашнім Саборы адрэстаўрыраванага
алтара, што Папа зрабіў у часе Сьвятой Імшы. У казаньні Бэнэдыкт 16 гаварыў аб
значэньні сьвятыні. Сказаў, што алтар ёсьць месцам, ў якім штодзённа адпраўляецца
сакрамант Эўхарыстыі, ў якім Ісус сапраўды ахвяроўваецца за нас і дзеля збаўленьня
сьвету. Удзельнічаньне ў гэтым сакраманце зьяўляецца безупынным запрашэньнем да адкрыцьця
сэрцаў на любоў Бога ды на прыняцьце і ахвяраваньне прабачэньня. Дзеля гэтага трэба
годна прыступаць да Сьвятога Прычасьця. Бэнэдыкт 16 паклікаў вернікаў да ажыцьцяўляньня
канкрэтных учынкаў міласэрнасьці ды да большага апостальскага і місійнага заангажаваньня. Папа
маліўся, каб Марыя дапамагала жыхарам Альбано і цэлай дыяцэзыі ў штодзённым пісаньні
новае карты сьвятасьці. Заахвоціў адначасна, каб міма цяжкасьцяў адважна дзяліліся
сваёю вераю ў Хрыста. У Літургіі ўдзельнічаў кардынал Анджэлё Содано, эмэрытаваны
Сакратар Стану ды Дэкан Кардынальскае Калегіі, якога тытулярным Касьцёлам ёсьць менавіта
катэдра ў Альбано.