Me 21 shtator kalendari Kishtar përkujton shën Mauricin e shokët, martirë të legjionit
Tebea.
(22.09.2008 RV)Të dhënat kryesore
për ta i gjejmë tek Eleuteri, ipeshkëv i Lionit, i cili përshkruan martirizimin e
qindra ushtarëve, të kryesuar nga Maurici. Këta ushtarë, që i përkisnin legjionit
‘Tebea’ të Maksimian Herkuleut, u shfarosën sepse nuk pranuan të nisen në Gali, për
të persekutuar të krishterët. Nga studimet historike, që janë bërë deri më sot, arrihet
në përfundim se para persekutimit të madh të Dioklecianit, ndoshta aty nga viti 286,
Maksimian Herkuleu ndërmori një ekspeditë në Gali kundër Bagaudit. Disa nga ushtarët
e legjionit, të kryesuar nga Maurici, nuk pranuan të marrin pjesë në kremtimet për
nder të hyjnive pagane e u martirizuan pranë Agaunum, në Valeze të Zvicrës, ku kulti
i tyre është shumë i lashtë. Këtë e vërtetojnë edhe gërmimet arkeologjike, nga të
cilat, më 1893, doli në dritë një bazilikë e kësaj epoke. Martiriologu Romak caktoi
datën 22 shtator për të përkujtuar Shenjtorët Maurici, Kandidi, Ezuperi të cilët,
së bashku me shokët e tyre ushtarë dhe veteranin Vitori, përballuan martirizimin për
shkak të urrejtjes që kundërshtarët kishin për fenë e tyre të krishterë. Prandaj populli
vijon të ketë, prej shekujsh, devocion të madh për Legjionin Tebea.