(20.9.2008 RV)Ja përsëri në takimin
tonë javor të së shtunës me Fjalën e Zotit të së dielës, kësaj here do të dëgjojmë
e meditojmë së bashku leximet biblike të liturgjisë së Fjalës Hyjnore të dielës së
25-të gjatë vitit kishtar ciklit të parë, sipas kalendarit liturgjik të kishës. Tema
e përbashkët e leximeve biblike të kësaj së diele mund të shprehet nga kjo pyetje:
‘Kush është Zoti im?’ Në leximin e parë nga Izaia profet, na thuhet se ‘udhët e
Zotit’ janë thellësisht të ndryshme prej udhëve tona; në leximin e dytë nga letra
e shën Palit drejtuar Filipianëve, kemi dilemën nëse duhet vazhduar të jemi me njerëz
apo të preferojmë të jetojmë menjëherë me Zotin; së fundi Ungjilli i kësaj së diele
nga Mateu, na tregon një nga shëmbëlltyrat më të sakta mbi marrëdhënien ndërmjet Zotit
e secilit prej nesh. Duhet të vihemi në dëgjim të Fjalës së Zotit me zemër të vëmendshme
e të lirë; e konfrontimi i përhershëm me Fjalën Hyjnore duhet të na shpie të kemi
për Zotit të njëjtën ide që Ai ka dashur të na dëftoj. Po kështu, Fjala e Zotit na
fton ta vëjmë në qendër të vëmendjen e këndej të kujdesit e të dashurisë sonë Zotin
e së bashku me Të edhe njeriun, të afërmin tonë, pa gjykuar e refuzuar. Sikur Zotit,
edhe ne ta vëjmë në qendër të jetës jo paranë, por njeriun; jo prodhimin, por personin
e duke e shikuar të tjerët në Dritën e Zotit, do të zbulojmë bururinë e jetës e madhështinë
e bujarisë. Leximet biblike të liturgjisë së Fjalës së Zotit të kësaj së diele
pra na dëftojnë e tregojnë se Zoti është ndryshe nga siç ne mund ta mendojmë, pra
se mendimet tona njerëzore nuk janë mendimet e Tij Hyjnore, as udhët e mjetet tona
njerëzore nuk përkojnë me udhët dhe mjetet e Tij Hyjnore, se Zoti i parapëlqen të
fundmët, të prapambeturit, të përvujturit. Dashuria e Zotit është absolute, falas,
e lirë, e pamatshme, e pakapshme, përdëllyese. Dashuria e Zotit i dhurohet çdo njeriu.
Çdo krijese, pavarësisht nga kushtet sociale e nga meritat që ka. Pra mendimet e Zotit
nuk përkojnë me mendimet tona. Udhët e Tij nuk janë udhët tona. Kjo fjali është një
pohim, por në të njëjtën kohë edhe një thirrje për t’u ngritur edhe ne, duke u orvatur
tti bëjmë tonat mendimet e Zotit, duke i shikuar njerëzit e sendet ashtu siç i shikon
Zotit, do të thotë nga lartë ( “Sikur qielli që është i lartë në krahasim me tokën…”).
Shëmbëlltyra e Ungjillit të kësaj së diele na tregon sa jemi larg Zotit e veprave
të Tija Hyjnore. Në të shumtën e rasteve Zoti na befeson, sepse nuk arrijmë dot ta
kuptojmë e t’i vlerësojmë veprimet e Tija. Punëtorët që janë marrë për të punuar në
vreshtën e zotshtëpisë – për çka flet pjesa e Ungjillit të kësaj së diele – që të
gjithë janë thirrur e dërguar të punojnë në mënyrë të ndryshme, kush më shumë e kush
më pak, sipas dhuratave që kanë marrë nga Zoti. Pronari i vreshtës plotë dashuri e
mirëkuptim ndaj atyre që qenë të fundit është Hyji Atë, që i shpërndan falas të mirat
e veta duke i parapëlqyer mëtatarët (apo të fundmët) pa i hequr asgjë të tjerëve.
Shëmbëlltyra e Ungjillit të kësaj së diele nga Mateu, pra na komunikon konkretisht
sjelljet dhe qëndrimet e Zotit ndaj nesh e nga çdo njeriu, si dhe të qenurit të Tij
të lirë, zemërbujar në shpërndarjen e të mirave Hyjnore me të cilat Ai na shpërblen
me begati. Më tepër, mund ti dëgjoni këtu leximet biblike të kësaj së diele dhe komentin……