Ва Украiне праваслаўныя вернiкi далучаюцца да грэка-католiкаў.
Каля пяцi гадоў доўжыўся падрыхтоўчы працэс аб’яднання двух рэлiгiйных суполак у
мястэчку Падусаў Перамышлянскага раёна Львоўскай вобласцi. Распачаўся ён у 2004 годзе
епiскапам Стрыйскiм Юлiянам. Святар i вернiкi Украiнскай Аўтакефальнай Праваслаўнай
Царквы перайшлi пад юрысдыкцыю Стрыйскай епархii Украiнскай Грэка-каталiцкай Царквы. Як
паведамiў дэпартамент iнфармацыi УГКЦ, 10 жнiўня бягучага года святар сяла Подусiў
а. Мiхаiл Раманюк афiцыйна прамовiў тэкст “Вызнання веры” i прысягу святара на вернасць
Папе Рымскаму, галаве УГКЦ i епiскапу Стрыйскаму. Мiжканфiсыйнае прымiрэнне было
заключана пасля доўгага працэса абмеркаванняў, спатканняў на епархiяльным, абласным
i раённым узроўнях. Стрыйская епархiя прапанавала распачаць абмеркаванне тэмы пераадолення
мiжканфесыйных праблем у Перамышлянскiм раёне. 4 чэрвеня прадстаўнiкi епархii, раённых
уладаў i святары з Падусава абмеркавалi пытанне аб агульным служэннi грэка-католiкаў
i праваслаўных УАПЦ. 9 жнiўня на агульнай сустрэчы двух рэлiгiйных суполак канчаткова
была зацверджана патрэба рэлiгiйнай еднасцi ў мястэчку. Шляхам самалiквiдацыi рэлiгiйнай
суполкi УАПЦ i рэгiстрацыi адзiнай суполкi УГКЦ тут была адноўлена гiстарычная еднасць,
якая iснавала да 1946 года. Кiраўнiк прэсавай службы Стрыйскай епархii УГКЦ, а.
Павел Худ, паведамiў, што вернiкi задаволены згаданым рашэннем, бо ў мястэчку больш
няма мiжканфiсыйных праблем, злучаных з падзеямi 20-гадовай даўнiны. Прыклад падусаўскiх
вернiкаў даў пачатак працэсу падобных аб’яднанняў, якiя ўжо не першы год наспеваюць
у iншых прыходах Стрыйскай епархii.