Papa sot në Lurdë për tri etapat e para të Shtegtimit Jubilar.
(13.09.2008 RV)Papa u nis sot pasdite nga aeroporti Orli i Parisit, për të
arritur në aeroportin e Tarbe-Lurdës, rreth orës 17. 45 e për të filluar Shtegtimin
e Jubileut në 150-vjetorin e dukjeve të Lurdës. Shtegtimi i Jubileut është rruga që
përshkon shtegtari, duke shkelur në katër vende, të cilat lidhen me jetën e Bernardetës:
në kishën famullitare, tek gurra e pagëzimit, ku vajza mori sakramentin e parë të
krishterë; në Kashò, apo në shtëpizën ku jetoi familja Subiru, në Shpellën e Masabielës
dhe në kapelën ku Bernardeta mori kungimin e parë. Vizitën e parë, Papa e bëri
në kishën famullitare të Zemrës së Krishtit, ku u prit nga famullitari, i cili e shoqëroi
tek kapela e të Shenjtnueshmit Sakrament. Benedikti XVI u gjunjëzua disa çaste, në
lutje e adhurim. Më pas vizitoi Gurrën e Pagëzimit, ku Bernardetë mori sakramentin
e parë të krishterë dhe tha lutjen e etapës së parë. Më pas Ati i Shenjtë u nis,
në këmbë, për të vizituar ‘Kashò’-në, apo shtëpizën ku banonte familja Subiru, kur
Zoja e Bekuar iu duk Bernardetës. Këtu, pasi puthi Rruzaren e Shenjtores, Benedikti
XVI tha lutjen e dytë jubilare, pasuar nga kënga e korit, kushtuar Zojës së Lurdës.Vizita
e tretë, në Shpellën e Masabielës.